هه‌په‌گێ ناسنامەیا دو چه‌كداران ئاشکەرە کر

رێخستنا په‌كه‌كێ ناسنامەیێن 2 چه‌كدارێن خوه‌ یێن دن ئاشكه‌ره‌ كر كو چه‌ند رۆژان به‌رێ ل سینۆرێ وانێ یا باكورێ كوردستانێ كه‌تنه‌ به‌ر ئێریشان و هاتنه‌ كوشتن.

هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا پێنجشه‌می 11ێ تیرمه‌ها 2024ان، ناسنامه‌یا دو چه‌كدارێن خوه‌ ئاشكه‌ره‌ كر كو ل قادا ماسیرۆیێ یا ناڤچەیا ئەلباکێ یا وانێ كه‌تنه‌ به‌ر ئێریشان و هاتنه‌ كوشتن.

ل گۆری داخویانیا هپگیێ، هەر دو چه‌كدار ل 4ێ هەزیرانا 2024ان ل باژارێ وانێ یێ باکورێ کوردستانێ جانێ خوە ژ دەست دایە.

هه‌په‌گێ دا زانین کو ناسنامەیێن هەر دو چه‌كداران ب ڤی رەنگینە:

رێبوار ئەمینییە و ئەو ژ باژارێ مەریوانێ یێ رۆژهلاتێ کوردستانێ یە.

بارزان نوماشە و ئەو ژ باژارێ وانێ یێ باکورێ کوردستانێ یە.

هه‌په‌گێ د په‌سنێ ڤان دو چه‌كداران ده‌ ژی گۆتیه‌ ئه‌و ئاپۆیی بوون و ژ بۆی ئاپۆ فه‌دابوون.

ئارتێشا ده‌وله‌تا ترك ژده‌ستپێكا مه‌ها گولانێ ڤه‌ ب ئێریشێن ئاسمانی ده‌ربێن گران ل په‌كه‌كێ دا نه، رێخستنێ ژ وێ ده‌مێ ڤه‌ وه‌نداهیێن مه‌زن دا نه‌ و ب ده‌هان گه‌ریلایێن وێ هاتنه‌ كوشتن، لێ مرنا پرانییا وان ڤه‌شارتی هشتیه‌.