شانده‌كا بلندا ئەولەهیێ یا ئیراقێ ب سەرۆکاتیا شێورمەندێ ئاساییشا نشتیمانی یا ئیراقێ ژ بۆ گۆتووبێژکرنا ئێرشێن ترکیەیێ گهشت هەولێرێ.
ئەڤ هەیامەکە کو ترکیەیێ ل ناڤ ئاخا باشوورێ کوردستانێ ئێرشێن خوە ب سه‌ده‌ما هەبوونا چه‌كدارێن په‌كه‌كێ زێدە کرنە.
شاندەیا بلندا ئیراقێ یا سەرۆکاتیا شێورمەندێ ئاسایشا نشتیمانی یا ئیراقێ قاسم ئەعرەجی، ل سەر داخوازا سەرۆکوەزیرێ وی وەلاتی محەمەد شه‌یاع سوودانی ئیرۆ هات هەولێرێ.
ئەنجوومەنا ئاسایشا نشتمانی یا ئیراقێ دوهـ جڤیا و ئێرشێن ترکیەیێ یێن ل ناڤ ئاخا ئیراق و هەرێما کوردستانێ رەد کرن.
ئەنجوومەنا ئاسایشا نشتمانی یا ئیراقێ راگهاند کو دڤێ ترکیە پرەنسیبا جیرانتیا باش و تێکلیێن دیپلۆماتیک ب حکوومەتا ئیراقێ رە بشۆپینە و د هەر مژارێن ئەولەهیێ دە ب وێ رە هەڤاهەنگیێ بکە.
ترکیەیێ ژ مەها هەزیرانێ ڤە دەست ب ئۆپەراسیۆنەکێ کریە و 15 خالێن نوو ل دەڤەرێن سینۆری دانینە.
هەروها بەردەوام ئۆپەراسیۆنێن ئاسمانی و بەژایی ل وان دەڤەران دکە.
