چەکدارێن تەڤگەرا چەتەیان یا ب ناڤێ “جوانێن شۆرەشگەر” کو راستەراست فەرمانا ژ قەندیلێ وەردگرە زارۆکەکە دن یا خەلکا باژارێ عەفرێنا رۆژئاڤایێ کوردستانێ ل حەلەبێ رەڤاند.
ل گۆر ئاگاهیان، چەتەیێن پەکەکێ “جوانێن شۆرەشگەر” زارۆکا ب ناڤێ ئایا حەسەن یا 14 سالی، ژ تاخا شێخ مەقسوودا حەلەبێ ب ئارمانجا لەشکەرکرنێ رەڤاند.
زارۆکا تەمەن 14 سالی ژ گوندێ قەنتەرێ یێ ناڤچەیا مابەتایا عەفرینێ یە.
تەڤی کو ھەسەدێ د خزیرانا 2019 دە لگەل نەتەوێن یەکگرتی پلانەک ژ بۆ بداویکرن و قەدەغەکرنا تەڤلیکرنا زارۆکان د ناڤا چەکداران دە ئیمزە کربوو. لێ ژ دەما کو پەیمان ھاتیە ئیمزەکرن ڤە، رەوشا رەڤاندنا زارۆکان ب داوی نەبوویە.
مالباتێن زارۆکێن رەڤاندی ژی کریارێن تەڤگەرا جوانێن شۆرەشگەر شەرمەزار دکن و بانگ ل رێخستنێن کو گرینگیێ ددن مافێن زارۆکان، رێخستنێن ناڤدەولەتی و ئالیێن پێوەندیدار دکن کو فشارێ ل رێڤەبەریا خوەسەر و ھەسەدێ بکن تا کو چارەنڤیسا زارۆکێن وان دیار بکن.
