چەتەیێن ب ناڤێ “جوانێن شۆرەشگەر” کو راستەراست فەرمانا ژ قەندیلێ وەردگرن زارۆکەک ژ باژارێ حەسەکێ رەڤاند.
تۆرا سووری یا چاڤدێریا مافێن مرۆڤان راگهاند، د رۆژا 7/7/2024 دە رەڤاندنا زارۆکێ ب ناڤێ عەبدوللا بەسام خودێر یێ 13 سالی ژ دەردۆرا مەرشۆ ل حەسەکێ ژ ئالیێ جوانێن شۆرەشگەر ڤە تۆمار کریە.
تۆرەیێ دیار کر کو “جوانێن شۆرەشگەر” ئەڤ زارۆک د 6/7/2024 دە بەر ب کامپێن لەشکەرکرنا زارۆکان ڤە بریە.
هەر وەها دیار کر کو زارۆک ژ تاخا نەزارەتێ یا حەسەکێ یە.
تۆرەیێ دیار کر کو تەڤی ھەولدانێن مالباتا وی ژ بۆ لێگەرینا وی، ئەو ب سەر نەکەتن.
باژارێن قامشلۆ و عاموودێ ژ دەستپێکا ڤێ تیرمەھێ ڤە شاھدێ رەڤاندنا 7 زارۆکێن تەمەنمەزن بچووک بوویە.
تەڤی کو ھەسەدێ د خزیرانا 2019 دە لگەل نەتەوێن یەکگرتی پلانەک ژ بۆ بداویکرن و قەدەغەکرنا تەڤلیکرنا زارۆکان د ناڤا چەکداران دە ئیمزە کربوو. لێ ژ دەما کو پەیمان ھاتیە ئیمزەکرن ڤە، رەوشا رەڤاندنا زارۆکان بداوی نەبوویە.
مالباتێن زارۆکێن رەڤاندی ژی کریارێن تەڤگەرا جوانێن شۆرەشگەر شەرمەزار دکن و بانگ ل رێخستنێن کو گرینگیێ ددن مافێن زارۆکان، رێخستنێن ناڤدەولەتی و ئالیێن پێوەندیدار دکن کو فشارێ ل رێڤەبەریا خوەسەر و ھەسەدێ بکن تا کو چارەنڤیسا زارۆکێن وان دیار بکن.
