بالافرێن شه‌ر 22 چه‌كدارێن په‌كه‌كێ ل گاره‌ی كوشتن

د 3 رۆژێن رابووری ده‌ ب ئێریشا ئاسمانی 22 چه‌كدارێن په‌كه‌كێ، ل چیایێن گاره‌ و خاكوركێ یێن ل باشوورێ كوردستانێ هاتنه‌ كوشتن.

وه‌زاره‌تا پاراستنا نه‌ته‌وی یا تركیێ راگهاند، ژ 12 ڤێ مه‌هێ ڤه‌ 24 چه‌كدارێن په‌كه‌كێ ل هه‌رێمێن گاره‌ و خاكوركێ كه‌تنه‌ به‌ر ئێریشێن بالافرێن شه‌ر و هاتنه‌ كوشتن.

ئێریش ووسا بوون:

• رۆژا 12/7/2024ی 9 چه‌كدار ل هه‌رێمێن گاره‌ و خاكوركێ هاتنه‌ كوشتن.

• رۆژا 13/7/2024ێ 11 چه‌كدار ل هه‌رێمێن گاره‌ و خاكوركێ هاتنه‌ كوشتن.

• ئیرۆ 14/7/2024ێ ژی 2 چه‌كدار ل هه‌مان هه‌رێمان كه‌تنه‌ به‌ر ئێریشان.

ئارتێشا تركیێ پێتری مه‌هه‌كێ یه‌ ئێریشه‌كه‌ دژوار ل دژی رێخستنا په‌كه‌كێ ل باشوورێ كوردستانێ دا یه‌ ده‌ستپێكرن، رۆژانه‌ گوندێن سینۆرێ پارێزگه‌ها دهۆكێ ب سه‌ده‌ما لڤ و ته‌ڤگه‌رێن په‌كه‌كێ دكه‌ڤن به‌ر ئێریشان و رووبه‌رێن هه‌ری به‌رفه‌ره‌هـ یێن ئاقارێن گوندێن دهۆكێ شه‌وتینه‌ و زراره‌كه‌ مه‌زن چێبوویه‌.