چەکدارێن تەڤگەرا “جوانێن شۆرەشگەر” کو راستەراست فەرمانا ژ قەندیلێ وەردگرن زارۆکەک ژ باژارێ حەسەکێ یێ رۆژئاڤایێ کوردستانێ رەڤاندن.
تۆرا سووری یا مافێن مرۆڤان راگهاند: “جوانێن شۆرەشگەر “زارۆکێ ب ناڤێ محەمەد عبێد سەلیم ژ تاخێ گوێران یێ باژارێ حەسەکا رۆژئاڤایێ کوردستاێ ب ئارمانجا لەشکەرکرنا نەچاری د ناڤ رێزێن ھەسەدێ دە رەڤاند.
تۆرا ناڤبۆری تەکەز کر کو زارۆکێ 14 سالی خەلکێ تاخێ گوێران یا باژارێ حەسەکێ یە.
مالباتا زارۆکێ رەڤاندی دانە زانین کو وان سەرەدانا جھ و ناڤەندێن رێڤەبەریا پەیەدێ کرن لێ بێ کو چ زانیاران ل سەر زارۆکێ خوەیێ رەڤاندی بزانن، ئەو دەست ڤالا ڤەگەریانە مالێ.
تەڤی کو ھەسەدێ د خزیرانا 2019 دە لگەل نەتەوێن یەکگرتی پلانەک ژ بۆ بداویکرن و قەدەغەکرنا تەڤلیکرنا زارۆکان د ناڤا چەکداران دە ئیمزە کربوو. لێ ژ دەما کو پەیمان ھاتیە ئیمزەکرن ڤە، رەوشا رەڤاندنا زارۆکان بداوی نەبوویە.
مالباتێن زارۆکێن رەڤاندی ژی کریارێن تەڤگەرا جوانێن شۆرەشگەر شەرمەزار دکن و بانگ ل رێخستنێن کو گرینگیێ ددن مافێن زارۆکان، رێخستنێن ناڤدەولەتی و ئالیێن پێوەندیدار دکن کو فشارێ ل رێڤەبەریا خوەسەر و ھەسەدێ بکن تا کو چارەنڤیسا زارۆکێن وان دیار بکن.
