14 چه‌كدارێن رێخستنا په‌كه‌كێ د 24 ساعه‌تێن ده‌رباسبوویی ده ل چیایێن گاره و مه‌تینایێ یێن ل باشوورێ كوردستانێ كه‌تنه به‌ر ئێریشێن ئاسمانی و هاتنه كوشتن.
هات راگهاندن، دوهـ رۆژا دوشه‌می 15/7/2024ێ 14 چه‌كدارێن پارتیا كاركه‌ران ل هه‌رێمێن گاره و مه‌تینایێ یێن ل باشوورێ كوردستانێ، ب ئێریشێن ئاسمانی یێن ده‌وله‌تا ترك هاتنه كوشتن.
ل هه‌مان رۆژێ بالافرێن شه‌ر ل رۆژئاڤا كوردستانێ ژی ئێریش پێكئانینه و 3 چه‌كدارێن یه‌په‌گێ/په‌كه‌كێ بوونه هه‌ده‌ف.
ل گۆری ئامارێن 3 رۆژێن رابووری، ئانگو رۆژێن 12، 13 و 14 تیرمه‌هێ 22 چه‌كدارێن په‌كه‌كێ، ل چیایێن گاره و خاكوركێ یێن ل باشوورێ كوردستانێ هاتنه كوشتن.
ئارتێشا تركیێ پێتری مه‌هه‌كێ یه ئێریشه‌كه دژوار ل دژی رێخستنا په‌كه‌كێ ل باشوورێ كوردستانێ دا یه ده‌ستپێكرن، رۆژانه گوندێن سینۆرێ پارێزگه‌ها دهۆكێ ب سه‌ده‌ما لڤ و ته‌ڤگه‌رێن په‌كه‌كێ دكه‌ڤن به‌ر ئێریشان و رووبه‌رێن هه‌ری به‌رفه‌ره‌هـ یێن ئاقارێن گوندێن دهۆكێ شه‌وتینه و زراره‌كه مه‌زن چێبوویه.
