رێخستنا په‌كه‌كێ ناسنامەیێن دو چه‌كدارێن خوه یێك ژێ ژن ئاشكه‌ره كر كو دو مه‌هان به‌رێ ل چیایێ مه‌تینا یێ ل باشوورێ كوردستانێ كه‌تبوون به‌ر ئێریشان و ژ نوو ڤه مرنا وان ئیفشا بوو.
هه‌په‌گێ باسكێ له‌شكه‌ری یێ په‌كه‌كێ، دوهـ رۆژا دوشه‌می 15 تیرمه‌ها 2024ان، ناسنامه‌یا دو چه‌كدارێن خوه ئاشكه‌ره كر كو ل 20ێ گولانا 2024ان ئانگو دو مه‌هان به‌رێ ل چیایێ مه‌تینا یێ ل باشوورێ كوردستانێ كه‌تنه به‌ر ئێریشان و هاتبوون كوشتن.
ناسنامەیێن وان ب ڤی رەنگینە:
نیسان مه‌همه‌د ئه‌مین ژ ئامه‌دێ یه.
رۆسته‌م میسبه‌ح ژ مووشێ یه.
هه‌په‌گێ د په‌سنێ ڤان دو چه‌كداران ده ژی گۆتیه ئه‌و ئاپۆیی بوون و ژ بۆی ئاپۆ فه‌دابوون.
ئارتێشا ده‌وله‌تا ترك ژده‌ستپێكا مه‌ها گولانێ ڤه ب ئێریشێن ئاسمانی ده‌ربێن گران ل په‌كه‌كێ دا نه، رێخستنێ ژ وێ ده‌مێ ڤه وه‌نداهیێن مه‌زن دا نه و ب ده‌هان گه‌ریلایێن وێ هاتنه كوشتن، لێ مرنا پرانییا وان ڤه‌شارتی هشتیه.
