ئەنجومەنا ئاسایشا ھەرێما کوردستانێ ئیرۆ 16/7/2024 داخویانیەک بەلاڤ کر و تێ دە راگھاند، پەکەکە ھەول ددە ھەموەلاتی و کادرۆ و ئەندامێن پارتیێن سیاسی یێن ھەرێما کوردستانێ تەرۆر بکە.
ئەنجومەنا ئاسایشا ھەرێما کوردستانێ راگھاند، د چالاکیا خوە یا ئێریشکاری یا داوی یا د رۆژا 15ێ تیرمەھا 2024ێ دە ل باژارێ کەلارێ وەساییتا بەرپرسەکی پایە بلند یێ حزبی ب بۆمبەیەکا پێڤەکری ئارمانج گرت.
د داخویانیا ئەنجوومەنا ئاساییشا هەرێما کوردستانێ دە هاتیە، “د ھەیاما سێ سالێن دەرباسبوویی دە، ڤێ گرۆپا تێکدەر چەند وەلاتی و ئەندامێن ھێزێن پاراستنا کوردستانێ کرنە ئارمانج و بەشەک ژ وان شەھید بوونە، و د بەشەکە ڤان کارێن خوە یێن تێکدەر دە ب سەر نەکەتنە و هاتنە پووچکرن.”
داخویانیا ئەنجوومەنا ئاسایشا ھەرێما کوردستانێ ب ڤی ئاوایە:
ئەڤ دەمەکە رێخستنا تێکدەر یا پەکەکێ ب ئاوایەکی سیستەماتیک هەولا تەرۆرکرنا وەلاتیێن هەرێمێ و کادرۆ و ئەندامێن پارتیێن سیاسی یێن هەێما کوردستانێ ددە، ب کارێن خوە یێن ئێریشکاری زرارێ ددە سەر و مالێ وەلاتیێن هەرێمێ.
د چالاکیا خوە یا ئێریشکاری یا داوی یا د رۆژا 15 تیرمەھا 2024 دە ل باژارێ کەلارێ وەساییتا بەرپرسەکی پایە بلند یێ حزبی ب بۆمبەیەکا پێڤەکری ئارمانج گرت.
د ھەیاما سێ سالێن دەرباسبوویی دە، ڤێ گرۆپا تێکدەر چەند وەلاتی و ئەندامێن ھێزێن پاراستنا کوردستانێ کرنە ئارمانج و بەشەک ژ وان شەھید بوونە، و د بەشەکە ڤان کارێن خوە یێن تێکدەر دە ب سەر نەکەتنە و هاتنە پووچکرن.
ئەڤ گرۆپە ل سەر وێ یەکێ رانەوەستیایە، لێ ب شەوتاندنا جھێن گشتی، بازار و سۆکێن مەزن ل ھەرێما کوردستانێ و ناڤچەیێن دن، نەفرەتا خوە نیشان ددە و بوویە سەدەما زرار گهاندنێ ب بازرگان و وەلاتیێن هێژا یێن ھەرێما کوردستانێ.
ئەڤ گرۆپە بوویە ئاموورا بازرگانی و بەلاڤکرنا مادەیێن هشبەر، و چالاکیێن نەقانوونی ل سەر ئاستا ھەرێمێ و ئاستا ناڤنەتەوەیی ئەنجام ددە.
ئەڤ کارێن گرۆپا وێرانکەر یا پەکەکێ، سبەرۆژا ھەرێمێ دخە د مەترسیا هەرێمی و ناڤنەتەوی دە و کارڤەدانەکا نەرینی و نەخوەستی ل پەی خوە تینە، بەردەوامکرنا ڤان چالاکیان بێ بەرسڤ نامینە و سەرکردایەتیا ڤێ گرۆپێ بەرپرسە ژ هەر دەرئەنجام و کارڤەدانەکێ.
ئەنجوومەنا ئاساییشا ھەرێما کوردستانێ
16 تیرمەھێ
