بەرپسیارێ پەکەکێ دوران کالکان ب ناڤێ “سەلاحەدین ئەردەم” د رۆژنامەیا چاپەمەنیا پەکەکێ یا ب ناڤێ “یەنی ئۆزگور پۆلتیکا” دە نڤیسەک وەشاند. د نڤیسا کالکان دە گەلەک گۆتنێن کرێت یێن بارزانییان دکن ئارمانج ھەبوون. دوران کالکانێ نژاد ترک دیرۆکا سەد سالی یا بارزانی وەکە دیرۆکا خیانەتێ نیشان دا. کالکان د گۆتارا خوە دە ھەر کەس ڤەخوەندیە شەرێ ل دژی بارزانییان.
ل سەر مەدیایا جڤاکی کارڤەدانێن مەزن ل سەر نڤیسا کالکان یا بێرێز دەرکەت. کوردان ل دژی گۆتارا کالکان دیرۆکا تاری یا کالکان و پەکەکێ ئانین بیرا خوە.
رۆژنامەگەر و رەوشەنبیر “محەمەد سانری” دەربارێ مژارێ دە ئەڤ تشت گۆت: “ھەموو کادرۆیێن پایەبلند و ناڤین یێن کو ژ پەکەکێ دەرکەتنە، د دەربارێ ڤان تەسفیێن ناڤخوە و ئێریشێن ب خوین یێن ل دژی رێخستنێن دن ھەر تم دوران کالکان وەکە بەرپرس نیشان ددن. ھەمان دوران کالکان ب دەھان سالان پەدەکە و بارزانی یێن کو پارچەیەکا ئازاد یا کوردستانێ ئاڤا کری کرییە تاکە ئارمانجا ئێریشێن خوە. راستیا کو ئەڤ چەتەیێن پەکەکێ ناخوازن فێم بکن ئەڤەیە: بارزانی و پەدەکە ئەو دەولەتا کوردینە کو ئەڤە نێزیکی سەد سالانە ناڤ لێ نەھاتیە کرن. ھەری داوی ژی ب تەکۆشینا بارزانی و پەدەکێ کوردستانا فەدەرال بوو خوەدی ستاتویەکا دەستووری. ژ بەر ڤێ یەکێ نە زالمێن ھەرێمی و نە ژی ھێزەکا ئەمپەریال نەکارین سەدسالەکێ بارزانی و پەدەکێ ژ ھۆلێ راکن.”
ل جیھانێ دە جھێ کو کورد لێ خوەدی ستاتوو نە، تەنێ باشوورێ کوردستانێ یە
دیسا نڤیسکار و سیاسەتمەدار “ئایدن دەرە” بانگ ل دوران کالکان کر کو لێبۆرینێ ژ گەلێ کورد بخوازە و دیار کر کو گۆتنێن کالکان بێحورمەتیا ل گەلێ کوردە. ئایدن د حەسابا خوە یا تویتەرێ دە گۆت کالکان ژی مینا “فیگەن یووکسەکداگ و سەزای تەمەڵی” بێرێزیێ ب نرخێن کوردان دکە” جیھان ھەمی رێزێ ل سەرۆک بارزانی دگرە، ھوون بێرێزییێ ب ڤی نرخێ کوردان دکن، لۆما ژی ھوون بێرێزییێ ب ھەموو کوردان دکن.” ھوون دخوازن دژمناتیا ناڤ کوردان کوور بکن! “ھوون ئەندامێن دەولەتەکا بێشارستانی نە.”
ئایدن دەرە د داخویانیا خوە دە بال کشاند سەر گرینگیا باشوورێ کوردستانێ ژ بۆ کوردان و وھا گۆت:
1-تاکە بەشا جیھانێ کو ژ بۆ گەلێ کورد خوەدی ستاتویە، باشوورێ کوردستانێ یە.
2-جھێ کو ئالایێ کوردستانێ لێ بلند دبە، تەنێ باشوورێ کوردستانێ یە.
3-جھێ کو ھەری زێدە ناسنامەیا کوردی لێ خورتە، تەنێ باشوورێ کوردستانێ یە.”
ئایدن دەرە بانگ ل دووران کالکان کر کو جھێ خوە ناس بکە و گۆت، “دووران کالکان تو کیی! ژ بەر کو مەژیێ وە 50 سالن کوردی رەد کریە و ھوون ژ گەلێ کورد حەز ناکن ھوون فێری دو پەیڤێن کوردی نەبوونە. دەما ھوون دئاخڤن ھوون ب زانەبوونەکا کو ژ ئالیگرەکێ دەرباس نابە دئاخڤن، ل گۆری گۆتنێن ھەڤالێن تە، تو بەرپرسیارێ سەرەکەیێ کوشتنا 8 ھەزار جوانێن کورد یێن لەھەنگ یێن ل جزیرێ، سوورا ئامەدێ، ڤارتۆ و نسێبینێیی. تو د ژیانا خوە دە بەشداری شەری نەبوویی و تە یەک سەرکەفتن ب دەست نەخستیە. لێ سەرۆک بارزانی ژ 14 سالیا خوە ڤە ژ بۆ دۆزا کورد پێشمەرگاتیێ دکە و تو دبێژیە کەسەکی وھا بەرز “خائین” “یان دێ لێبۆرینێ خوازی یان ژی تو دێ تەقەز باجا ڤێ یەکێ بدی.”
