گوندەکێ سنۆرێ پێنجوینێ هات بۆمبەبارانکرن

گوندێ بادانە یێ ل سنۆرێ ناحیەیا نالپارێزێ یا گرێدایی قەزایا پێنجوینێ هات بۆمبەبارانکرن. برێڤەبەرێ وێ ناهیەیێ ژی دبێژە، «چ زرارێن جانی ژ وێ بۆمبەبارانکرنێ چێ نەبوونە».

برێڤەبەرێ ناحیەیا نالپارێزێ یا گرێدایی قەزایا پێنجوینێ هێمن ئیبراهیم ئیرۆ (چارشەم، 17.07.2024) ژ کوردستان 24ێ رە راگەهاند، «ساعه‌ت 07:00ێ سەرێ سبەها ئیرۆ، گوندێ بادانە یێ ل سنۆرێ ناحیەیا نالپارێزێ یا گرێدایی قەزایا پێنجوینێ هات بۆمبەبارانکرن». هەروەسا گۆت، «چ زرارێن جانی ژ وێ بۆمبەبارانکرنێ چێ نەبوونە».

هێمن ئیبراهیم ئاماژە ژی دا، «ژ بەر وێ بۆمبەبارانکرنێ، نێزی 50 دۆنەمێن پووش و پاوانان شەوتینە و ئەو شەوات ژ ئالیێ شێنیێن وی گوندی ڤە هاتیە کۆنترۆلکرن».

ناڤبری ئەشکەرە ژی کر، «بەری سێ رۆژان ژی گوندێ نزارەیێ ب بالافرا شەری هات بۆمبەبارانکرن».هەروەسا گۆت، «ئەڤ جارا پێنجێیە دەڤەرا پێنجوینێ د ئیسال دە تێ بۆمبەبارانکرن».

گوندێ بادانەیێ نێزی 15 کیئۆمەتران ژ ناهیەیا نالپارێزێ یا گرێدایی قەزایا پێنجوینێ دوورە و 25 مال لێ هەنە.

چاڤكانی: كوردستان 24