فه‌داكرنا جوانێن كوردان د به‌رخوه‌دانا بێ ئه‌نجام ده ده‌وام دكه
رێخستنا په‌كه‌كێ ناسنامەیێن دو چه‌كدارێن خوه یێن دن یێك ژێ ژن ئاشكه‌ره كر كو 4 رۆژان به‌رێ ل چیایێ گابارێ یێ ل باكورێ كوردستانێ كه‌تبوون به‌ر ئێریشان.
هه‌په‌گێ باسكێ له‌شكه‌ری یێ په‌كه‌كێ، دوهـ رۆژا سێشه‌می 16 تیرمه‌ها 2024ان، ناسنامه‌یا دو چه‌كدارێن خوه ئاشكه‌ره كر كو ل 13ێ تیرمه‌ها 2024ان ئانگو چار رۆژان به‌رێ ل چیایێ گابارێ یێ ل باكورێ كوردستانێ كه‌تنه به‌ر ئێریشان. و هاتبوون كوشتن.
ناڤێن وان ووسایه:
تانه‌ر عه‌بدولره‌حمان ژ جۆله‌مێرگێ.
چنار سه‌عید ژ قامشلۆ.
هه‌په‌گێ د په‌سنێ ڤان دو چه‌كداران ده ژی گۆتیه وان ل سه‌ر خه‌تا فه‌داتیێ ل به‌ر خوه دا، ئانگو خه‌تا فه‌داكرنا جوانێن كوردان بۆ زلامێ ئیمرالیێ.
زێدەتری مەهەکێ یە ئارتێشا ترکیەیێ ل باشوورێ کوردستانێ ل هەمبەرێ چه‌كدارێن په‌كه‌كێ ئۆپەراسیۆنەکە بەرفرەهـ دایە دەستپێکرن. رێخستنێ ژ وێ ده‌مێ ڤه وه‌نداهیێن مه‌زن دا نه و ب ده‌هان گه‌ریلایێن وێ هاتنه كوشتن، لێ مرنا پرانییا وان ڤه‌شارتی هشتیه.
