رێخستنا چەتە یا ب ناڤێ “جوانێن شۆرەشگەر” یا گرێدایی پارتیا کارکەرێن کوردستانێ 3 زارۆکێن دن یێن تەمەن بچووک ژ گوندەوارێن باکورێ حەسەکێ ب ئارمانجا تەڤلیکرنا ناڤا رەفێن پەکەکێ دە رەڤاندن.
ل گۆری تۆرا چاڤدێریا مافێن مرۆڤان یا سووریێ، د 15 تیرمەھێ دە، “جوانێن شۆرەشگەر” ھەر یەک ژ زارۆکێن ب ناڤێن (عۆمەر جوان ئەل-عیسا، ئەیاز جۆڤان حاج محەمەد و محەمەد عەبدول رەئووف عۆسمان) ژ گوندێ تەل تەویل مەرش یێ ل گوندەوارێن باکورێ حەسەکێ رەڤاندنە و تەمەنێ وان د ناڤبەرا 11-13 سالان دەیە.
تەڤی کو ھەسەدێ د خزیرانا 2019 دە لگەل نەتەوێن یەکگرتی پلانەک ژ بۆ بداویکرن و قەدەغەکرنا تەڤلیکرنا زارۆکان د ناڤا چەکداران دە ئیمزە کربوو. لێ ژ دەما کو پەیمان ھاتیە ئیمزەکرن ڤە، رەوشا رەڤاندنا زارۆکان بداوی نەبوویە.
مالباتێن زارۆکێن رەڤاندی ژی کریارێن تەڤگەرا جوانێن شۆرەشگەر شەرمەزار دکن و بانگ ل رێخستنێن کو گرینگیێ ددن مافێن زارۆکان، رێخستنێن ناڤدەولەتی و ئالیێن پێوەندیدار دکن کو فشارێ ل رێڤەبەریا خوەسەر و ھەسەدێ بکن تا کو چارەنڤیسا زارۆکێن وان دیار بکن.
