ئەنجوومەنا ئاساییشا ھەرێما کوردستانێ ب دەھان بازرگانێن مادەیێن ھشبر گرتن

ئەنجوومەنا ئاسایشا ھەرێما کوردستانێ ب دەھان کەس ب تۆمەتا کرین و فرۆتنا مادەیێن ھشبر و ب دەھان کەس ب تۆمەتا بکارئانینا مادەیێن ھشبر گرتن.

ئەنجوومەنا ئاساییشا ھەرێما کوردستانێ ئیرۆ 17 تیرمەھێ د داخویانیەکێ دە راگھاند، “د ھەولێن بەردەوامێن ئەنجوومەنا ئاسایشا ھەرێما کوردستانێ ژ بۆ ئارامیا جڤاکی، رووبرووبوونا مادەیێن ھشبر و ئاڤاکرنا جڤاکەکا ساخلەم دە، ئاسایشا ھەرێما کوردستانێ ب ھەڤکاریا رێڤەبەریێن دن، ژ 24 جۆتمەھا 2023 ھەتا 12 تیرمەھا 2024، ب دەھان بازرگانێن مادەیێن ھشبر گرتن کو د ناڤ وان دە بازرگانێن ناڤخوەیی، بیانی و ناڤدەولەتی ھەنە و ب دەھان کەسێن دن ب تۆمەتا بکارئانینا مادەیێن ھشبر گرتن.”

د داخویانیێ دە ھات گۆتن ژی، “ھەڤدەم برەکە مەزن ژ مادەیێن ھشبر د ناڤ دە کریستال، کریستالێن شل، حەشیش، ئەفیۆن، هەرۆین و ماریجوانا ھات دەستەسەرکرن. ھەروەھا چەندین کیلۆگرام کاپتاگۆن و ب ھەزاران حەبێب ترامادۆل ژی ھاتن دەستەسەرکرن.”