چه‌كدارێن په‌كه‌كێ ئیرۆ گوللـه به‌ردان كاروانێ ئۆتۆمۆبیلێن هه‌ژماره‌كه هه‌مولاتیێن سینۆرێ پارێزگه‌ها دهۆكێ كو ژ سه‌ر گۆرستانا یێك ژ گوندێن ده‌ردۆر ڤه‌دگه‌رین.
چاڤكانیێن داركا مازی ئیرۆ رۆژا پێنجشه‌می 18\7\2024ێ ئاشكه‌ره كرن كو چه‌كدارێن په‌كه‌كێ ئیرۆ گوللـه به‌ردانه ئۆتۆمۆبیلێن هه‌ژماره‌كه هه‌مولاتییان كو ژ سه‌ر گورستانا گوندێ بلمباسا یێ گرێدای ناحیه‌یا چه‌مانكێ ڤه‌دگه‌رین و گوللـه ب ترومبێلا هه‌مولاتیه‌كی ب ناڤێ «مه‌سعوود عومه‌ر چاڤشین» كه‌تیه.
بوویه ووسا بوو:
ئیرۆ رۆژا پێنجشه‌می 18 تیرمه‌ها 2024ێ ساعه‌ت 9:00 سبه‌هێ هه‌مولاتیێ ب ناڤێ «ته‌یب بلمباسی» كو ژ ئاکنجیێن ناحیا چەمانێ یه مریە. هه‌مولاتیێن ناڤچه‌یێ جەنازێ وی راكرنه گۆرستانا گوندێ بلمباسا یێ ناحیا چەمانکێ ول دەما ڤه‌گه‌را ئۆتۆمۆبیلێن وان، چەکدارێن پەکەکێ ل گوندێ کانی مازێ گوللـه به‌ردانێ و گوللـه‌یه‌ك ب ئۆتۆمۆبیلا هه‌مولاتیێ ب ناڤێ مه‌سعوود عومه‌ر چاڤشین كه‌تیه.
ئه‌ڤ پێتری مه‌هه‌كێ یه، رێخستنا په‌كه‌كێ لڤ و ته‌ڤگه‌را چه‌كدارێن خوه ب ئه‌نقه‌ست خستییه دۆربه‌را گوندێن دهۆكێ و ئه‌ڤ یێك بوویه سه‌ده‌م كو ئه‌ڤ گوند ده‌وام بكه‌ڤن به‌ر ئێریشێن هه‌وایی یێن ده‌وله‌تا ترك و ب سه‌ده‌ما شه‌واتان زرارێن هه‌ری مه‌زن ب ئاقارێ وان گوندان كه‌تیه، ته‌ڤی ڤێ ب ده‌هان گوند ژی كه‌تنه ژێر خه‌ته‌ریا چۆلكرنێ.
