ب ئێریشا ئاسمانی ل هه‌رێمێن گاره و خاكوركێ 8 چه‌كدارێن پارتیا كاركه‌ران هاتن كوشتن، هه‌موه‌خت ل رۆژئاڤا كوردستانێ 2 چه‌كدارێن په‌كه‌كێ/یه‌په‌گێ هاتن هه‌ده‌ف گرتن.
هات راگهاندن ژ دوهـ رۆژا چارشه‌می 17 تیرمه‌ها 2024ێ بالافرێن شه‌ر یێن ده‌وله‌تا ترك لڤ و ته‌ڤگه‌را چه‌كدارێن په‌كه‌كێ ل هه‌رێمێن گاره و خاكوركێ كرنه ئارمانج و 8 چه‌كدار كه‌تن به‌ر ئێریشان و هاتن كوشتن.
هه‌ر وها ل باکورێ سووریەیێ ژی 2 چه‌كدارێن په‌كه‌كێ/یه‌په‌گێ هاتن كوشتن.
ل گۆری ئامارێن 5 رۆژێن رابووری، ئانكو ژ 12 هه‌یا 16 تیرمه‌هێ، 37 چه‌كدارێن په‌كه‌كێ، ل چیایێن گاره و خاكوركێ یێن ل باشوورێ كوردستانێ هاتنه كوشتن.
ئارتێشا تركیێ پێتری مه‌هه‌كێ یه ئێریشه‌كه دژوار ل دژی رێخستنا په‌كه‌كێ ل باشوورێ كوردستانێ دا یه ده‌ستپێكرن، رۆژانه گوندێن سینۆرێ پارێزگه‌ها دهۆكێ ب سه‌ده‌ما لڤ و ته‌ڤگه‌رێن په‌كه‌كێ دكه‌ڤن به‌ر ئێریشان و رووبه‌رێن هه‌ری به‌رفه‌ره‌هـ یێن ئاقارێن گوندێن دهۆكێ شه‌وتینه و زراره‌كه مه‌زن چێبوویه.
