ئارتێشا تركیێ ب ئێریشێن ئاسمانی د 4 رۆژێن رابووری ده ب ده‌هان بۆمبه ل سه‌ر گوندێن دهۆكێ باراندنه، په‌كه‌كه ژی هه‌ر كو دچه پێتر خوه نێزی گوندان دكه و دخوازه وه‌ره‌ن ڤالا كرن و ببن قادێن شه‌ر.
ل گۆری بیلانچۆیا 4 رۆژێن رابووری یا ئێریشێن تركیێ و پاشڤه‌كشینا په‌كه‌كێ، 5 گوند و ناڤچه‌یێن دیار یێن دهۆكێ كه‌تنه به‌ر ئێریشان و ته‌ڤی شه‌واتێن مه‌زن، زراره‌ك پر مه‌زنتر ژی چێبوویه.
گوندێن كه‌تنه به‌ر ئێریشان ئه‌ڤن:
هنداڤی گوهەرزێ.
پشتا گەلیێ دێرەشێ.
شکەفتا بابەکرا.
گه‌لیێ بازێ.
چیایێ هنداڤی گوندێ دێویکێ.
ئێریش ووسا بوون:
ل 15/7/2024:
دەمژمێر 7:55 مەغرەب بالافرێن ئارتێشا تركیێ تۆنه‌لا هنداڤی گوندێ گوهەرزێ ل ناحیا دێره‌لۆكێ ل دەڤەرا نهێلییا و هه‌ر وها پشتا گەلیێ دێرەشێ ل دەڤەرا بەرێ گارە بۆردۆمانکرنە.
ل 16/7/2024:
دەمژمێر 12:32 شەڤێ بالافرێن هەلیکۆپتەر یێن ئارتێشا تركیێ ب چه‌كا دۆشکێ ل شکەفتا بابەکرا ل گه‌لیێ گوندێ بازێ ل ناحیه‌یا کانی ماسێ خستیه.
دەمژمێر 12:40 شەڤێ بالافرێن ئارتێشا تركیێ تۆنه‌لا هنداڤی گوندێ گوهەرزێ بۆردۆمانکرییە.
ل 17/7/2024:
دەمژمێر 2:40 نیڤرۆ بالافرێن ئارتێشا تركیێ سەرێ چیایێ هنداڤی گوندێ دێویکێ ل ناحیا شێلادزێ بۆردومانکریە و یه‌ك مووشەک لێخستیه.
ل 18/7/2024:
دەمژمێر 3:00 بەری سپێدێ بالافرێن هەلیکۆپتەر یێن تركیێ تۆنه‌لا ل هنداڤی گوندێ گوهەرزێ ب چەکا دۆشکێ بۆردومانکرییە.
ئارتێشا تركیێ پێتری مه‌هه‌كێ یه ئێریشه‌كه دژوار ل دژی رێخستنا په‌كه‌كێ ل باشوورێ كوردستانێ دا یه ده‌ستپێكرن، رۆژانه گوندێن سینۆرێ پارێزگه‌ها دهۆكێ ب سه‌ده‌ما لڤ و ته‌ڤگه‌رێن په‌كه‌كێ دكه‌ڤن به‌ر ئێریشان و رووبه‌رێن هه‌ری به‌رفه‌ره‌هـ یێن ئاقارێن گوندێن دهۆكێ شه‌وتینه و زراره‌كه مه‌زن چێبوویه.
