هه‌ژماره‌كه له‌شكه‌رێن ترك و چه‌كدارێن په‌كه‌كێ، ئیرۆ ب هه‌ڤره ل گونده‌كی دهۆكێ بوون و پرسا هه‌ڤ كرنه، ئه‌ڤ ژی دهێته واته‌یا كو «لهڤه‌كرنه‌كه ژێر ب ژێر» د نێڤبه‌را رێخستنێ و ئارتێشێ ده ژ بۆی وێرانكرنا هه‌رێمێ و ڤه‌گوهه‌ره‌ندنا وێ بۆ قادێن شه‌ر هه‌یه.
چاڤكانیێن تایبه‌ت یێن «داركا مازی» ئه‌شكه‌ره كرن، ئیرۆ رۆژا پێنجشه‌می 18 تیرمه‌ها 2024ێ ل یێك ژ گوندێن دهۆكێ كو ئه‌ڤ ده‌ما مه‌هه‌كێ یه په‌ڤچوونێن ده‌ره‌و یێن په‌كه‌كێ و ئارتێشا تركیێ تێ ده تێن ئه‌نجام دایین، هه‌ژماره‌كه له‌شكه‌ران كه‌تنه تێ ده و پرسا هنه‌ك چه‌كدارێن رێخستنێ ژ موختارێ گوند كرنه.
ژ بۆی پاراستنا ژیانا شێنی و موختارێ گوند، ئه‌مێ ناڤان پارڤه‌نه‌كن:
بوویه‌ر ووسا بوو:
ئیرۆ رۆژا پێنجشه‌می 18 تیرمه‌ها 2024ێ ساعه‌ت 1:30ێ نیڤرۆ، هه‌ژماره‌كه لەشکەرێن ترکیێ دەرباسی گونده‌كی ناڤچەیا کانی ماسێ بوون و چوون مالا موختارێ گوند و داخوازا ئاڤا ڤەخوارنێ کرن. له‌شكه‌ر بۆ ده‌مه‌كێ مان و پشتره چوون ناڤ ئاقارێ گوند.
پاشێ ل ساعه‌ت 5 ئێڤارێ 4 چەکدارێن په‌كه‌كێ کو 3 ژ وان ژن و یەک زلام بوون، دەرباسی هه‌مان گوندێ ناڤچەیا کانی ماسێ بوون. ئه‌ول ئه‌و چوونە پشت مالا موختار. پاشێ موختار و هنه‌ك ژ شێنیێن گوند چوونه جه‌م وان، چه‌كداران پرسا له‌شكه‌رێن ترك كرن گۆتن: «قه‌ی له‌شكه‌ر هاتنه ناڤا گوند؟»، د به‌رسڤێ ده موختار گۆ كو وان ت كه‌س نه دیتیه.
هه‌ر وها موختار و شێنیێن گوند ژ چه‌كدارێن په‌كه‌كێ ره گۆ: «ئه‌م ناخوازن هوون ل گوند بمینن و شەرێ خوه ل ڤر بکن». پشتره ژ چه‌كداران ره گۆ: «هه‌گه‌ر هوون ته‌سلیم ببن، مالێن مه ژ بۆی وه وێ ئه‌وله بن».
ته‌ڤی كو چه‌كدارێن په‌كه‌كێ، موختار و شێنیێن گوند ب چه‌ند گۆتنان خاپاندن وه‌ختا ژ وان ره گۆتی كو وان فه‌رمان ژ رێڤه‌به‌رییا رێخستنێ هه‌یه كو شه‌ر د ناڤا گوند ده نه‌كن، لێبه‌لێ ئه‌و ژ گوند ده‌رنه‌كه‌تن و كه‌تن دبستانا گوند ده.
پاشێ موختار و شێنیێن گوند چوون جه‌م چه‌كدارێن كو خوه د دبستانا گوند ده ئاسێ كری و ژێ خوه‌ستن دبستانێ و گوندێ وان جی بهێلن.
پشتی كو ده‌مه‌كێ ل ور مان، پشتره ئۆتۆمۆبیله‌كه ژ جورێ تۆیۆتا كامری ره‌نگ سپی هات ناڤا گوند، دو گه‌ریلا تێ ده بوون وان ژی هه‌مان پرس ژ موختار و شێنیێن گوند كر ئه‌گه‌ر له‌شكه‌رێ ترك هاتبه ناڤا گوند، پشتره ئه‌و ئۆتۆمۆبیل چوو نێزی دبستانێ و پشتره بۆ رییا گوندێ چمبلكێ ڤه چوون.
چه‌كدارێن كو د دبستانێ ده ژی خوه ئاسێ كربوون ده‌ركه‌تن و به‌ر ب رییا گوندێ تیشه‌مبیكێ چوون.
كادرۆیێن په‌كه‌كێ و له‌شكه‌رێن ترك ل ئاقارێ گوند هه‌ڤدیتن ئه‌نجام دا نه
چاڤكانیێن مه ئاشكه‌ره كر كو چه‌كدارێن په‌كه‌كێ ل ئاقارێ گوند هه‌ڤدیتن ب وان عه‌سكه‌رێن ترك كرنه و شێنیێن گوند ئه‌ڤ یێك ته‌سپیت كرن و ده‌ستنیشان كرن كو ئه‌ڤ نه جارا یه‌كه‌مینه كادرۆیێن په‌كه‌كێ و له‌شكه‌رێن ترك ب هه‌ڤره تێن دیتن.
د په‌ڤچوونێن ئارتێشا ترك و چه‌كدارێن په‌كه‌كێ ده كو ئه‌ڤ مه‌هه‌كه ل سه‌ر گوندێن دۆربه‌را دهۆكێ پڕ دژوار بوونه، ته‌نێ یێك تشت ب زه‌لالی ده‌ردكه‌ڤه به‌ر چاڤان، ئه‌و ژی ئه‌ڤه كو لهڤه‌كرنه‌كه ئه‌شكه‌ره ژ بۆی شه‌وتاندن، وێران كرن و ڤالاكرنا گوندێن دهۆكێ هه‌یه و ب ڤی ره‌نگی:
په‌كه‌كێ شه‌رێ خوه یێ ساخته ڤه‌گوهه‌ستیه نێزی گوندێن دهۆكێ و ب ڤی ئاوایی عه‌سكه‌رێ ترك كێشی ده‌ڤه‌رێ كریه، ئارمانجا سه‌ره‌كه وێرانكرنا وان گوندانه و پاشێ ڤالاكرنا وانه ژ شێنییان ژ بۆ كو ببن قادێن شه‌ر و ئارتێشا ترك بنكه و نوقته‌یێن خوه یێن داییم لێ بجیهـ كه، په‌كه‌كه ل گۆری په‌یمانێن ژێر ب ژێر ب زانه‌بوون ڤێ خزمه‌تێ ژ بۆی ده‌وله‌تا ترك دكه.
