بەرپرسێ فەرمانگەها پەیوەندیێن دەرڤە یا حکوومەتا هەرێما کوردستانێ ئەشکەرە دکە، «سەرۆکوەزیر مەسروور بارزانی ژ بۆ لووتکەیا جیهانی یا کەشوهەوایێ cop29 ل باکویا ئازەربایجانێ هات ڤەخواندن».
بەرپرسێ فەرمانگەها پەیوەندیێن دەرڤە یا حكوومه‌تا هەرێما کوردستانێ سەفین دزەیی ئیرۆ (دوشەم، 22.07.2024) ل سەر حه‌سابا خوە یا تۆرا جڤاکی یا X پارڤە کریە، ئیرۆ پێشوازیا بالیۆزێ ئازەربایجانێ ل ئیراقێ ناسر مامادۆڤ کر و دانوستاندن ل سەر چاوانیا بهێزکرنا پەیوەندیێن دوئالی د ناڤبەرا هەر دو وەلاتان دە کرن.
هەروەسا بالیۆزێ ئازەربایجانێ ل ئیراقێ نامەیا ڤەخواندنێ یا وەلاتێ خوە پێشکێشی سەرۆکوەزیر مەسروور بارزانی کر، ژ بۆ تەڤلیبوونا د لووتکەیا جیهانی یا کەشوهەوایێ cop29 کو ل باکویا پایتەختا ئازەربایجانێ تێ برێڤەبرن.
ئەڤ ژی د دەمەکێ دەیە کو، سەرۆکێ حكوومه‌تا هەرێما کوردستانێ مەسروور بارزانی پار ژی ل رۆژا 30.11.2023ێ ل سەر ڤەخواندنا جیگرێ سەرۆکێ ئیماراتێ و سەرۆکوەزیر و حاکمێ میرگەها دوبەی شێخ محەمەد بن راشد ئال مەکتووم ژ بۆ تەڤلیبوونا د لووتکەیا جیهانی یا کەشووهەوایێ cop29 دە گەهشت وەلاتێ ئیماراتێ.
پشتی گەهشتنا وی ژ بۆ ئیماراتێ، سەرۆکوەزیر مەسروور بارزانی ل سەر تۆرا جڤاکی یا X راگەهاندبوو، «ئەز دلخوەشم کو ل ئیماراتێ مە ژ بۆ تەڤلیبوونا د دانوستاندنێن لووتکەیا جیهانی یا کەشووهەوایێ دە، پشتگوهخستنا مەترسیێن گوهەرتنا کەشوهەوایێ بژاردە نینە و وەکی گەلەک و پارەکە دەڤەرێ دڤێ مە رۆلەکە ئاکتیڤ هەبە».
هەروەسا سەرۆکوەزیر مەسروور بارزانی ل دەستپێکا وێ لووتکەیا جیهانی د پەیامەکە دن دە ل سەر تۆرا جڤاکی یا خێ ئاماژە دا، «رووبرووبوونا گوهەرتنێن کەشووهەوایێ پێدڤیتی ب هەڤکاریێ هەیە».
مەسروور بارزانی هەروەسا دلخوەشیا خوە دیار کر کو تەڤلی لووتکەیا جیهانی یا کەشوهەوایێ یا 28ێ بووبوو، ژ بۆ کو جارەکە دن تەکەزێ ل سەر وی کارێ گرنگ بکن کو ب هەڤپارێن خوە رە دکن.
