د سێ رۆژێن رابووری ده، 23 چه‌كدارێن په‌كه‌كێ ل هه‌رێمێ گاره، خاكورك و ئاسووسێ یێن ل باشوورێ كوردستانێ هاتنه كوشتن و هه‌وه‌خت 18 چه‌كدارێن یه‌په‌گێ ل رۆژئاڤا كوردستانێ.
ل گۆری ئاگاهیێن كو وه‌زاره‌تا پاراستنا نه‌ته‌وی یا تركیێ پارڤه‌كرنه، د رۆژێن 19، 20 و 22 تیرمه‌ها ئیسالێ، ب ئێریشێن ئاسمانی و به‌ژاهی یێن ئارتێشا تركیێ 23 چه‌كدارێن په‌كه‌كێ ل هه‌رێمێن گاره، خاكورك و ئاسووسێ هاتنه كوشتن.
هه‌ر وها ل هه‌رێمێن رۆژئاڤا كوردستانێ 18 چه‌كدارێن یه‌په‌گێ باسكێ له‌شكه‌ری یێ په‌كه‌كێ كه‌تنه به‌ر ئێریشان و هاتنه كوشتن.
ئارتێشا تركیێ پێتری مه‌هه‌كێ یه ئێریشه‌كه دژوار ل دژی رێخستنا په‌كه‌كێ ل باشوورێ كوردستانێ دا یه ده‌ستپێكرن، رۆژانه گوندێن سینۆرێ پارێزگه‌ها دهۆكێ ب سه‌ده‌ما لڤ و ته‌ڤگه‌رێن په‌كه‌كێ دكه‌ڤن به‌ر ئێریشان و رووبه‌رێن هه‌ری به‌رفه‌ره‌هـ یێن ئاقارێن گوندێن دهۆكێ شه‌وتینه و زراره‌كه مه‌زن چێبوویه.
