بالافرێن شه‌ر یێن ده‌وله‌تا ترك، به‌رپرسه‌كی رێخستنا په‌كه‌كێ ب ناڤێ یووسف كالكان كو د لیستا سۆر یا ده‌وله‌تێ ده یه ئارمانج گرت و كوشت.
ئاژانسا ئه‌نادۆلو یا ده‌وله‌تا ترك ئیرۆ رۆژا سێشه‌می 23\7\2024 به‌لاڤ كر كو ل هه‌رێما ئۆپه‌راسیۆنا په‌نجه – كلیت ئۆپه‌راسیۆنه‌كه ئاسمانی پێكهات و د ئه‌نجامێ ده 4 چه‌كدارێن په‌كه‌كێ هاتنه كوشتن.
ده‌ستنیشان كر، یێك ژ چه‌كدارێن كو د ئۆپه‌راسیۆنێ ده هاتنه كوشتن، به‌رپرسه‌كی رێخستنێ یه ب ناڤێ یووسف كالكان و ناڤێ وی د لیستا ره‌نگ سۆر یا ده‌وله‌تێ ده جیهـ دگره.
ئارتێشا ترکیێ رۆژا 17ێ نیسانا 2022ان د ناڤ ئاخا باشوورێ کوردستانێ دە ل دژی بنکە و بارەگەهێن په‌كه‌كێ دەست ب ئۆپەراسیۆنا ب ناڤێ «پەنجە-کلید» کر و ئۆپەراسیۆن هەتا نها بەردەوامە. ئۆپەراسیۆنا «پەنجە-کلید» ناڤچەیێن مەتینا، زاپ و ئاڤاشین-باسیانێ یێن ل سینۆرێ ناڤچەیا ئامێدیێ ل خوە دگرە.
