چیایێ ل هنداڤی گوهه‌رزێ د 3 رۆژێن رابووری دا راستی بۆردۆمانێن دژوار هاتییه
بۆردومانكرنا گوندێن ده‌ردۆرا دهۆكێ ب سه‌ده‌ما لڤ و ته‌ڤگه‌رێن په‌كه‌كێ ده‌وام دكه، د 3 رۆژێن رابووری ده چیایێ ل هنداڤی گوهه‌رزێ راستی بۆردومانێن دژوار هاتییه.
چاڤكانیێن داركا مازی ئاشكه‌ره كرن، ل رۆژێن 21، 22 و ئیرۆ 23 تیرمه‌ها 2024ێ، تونه‌لا ل چیایێ هنداڤی گوندێ گوهه‌رزێ ل ناحیا دێره‌لۆكێ راستی ئێریش و بۆردومانێن دژوار هاتنه و ب ڤی ئاوایێ:
ل 21\7\2024:
دەمژمێر 8:00 و 9:45 شەڤێ فڕۆکێن لەشکرێ تورکیا رۆژهەلاتێ تۆنێلا ل هنداڤی گوندێ گوهەرزێ ل ناحیا دێرەلۆک – دەڤەرا نهێلیا بۆردومانکریە.
ده‌مژمێر 8:00 شەڤێ فڕۆکێن لەشکرێ تورکیا گوندێ گیزێ – دەڤەرا بەرێ گارەی بۆردومانکریە.
ل 22\7\2024:
دەمژمێر 7:20 مەغرەب فڕۆکێن لەشکرێ تورکیا دیسا تۆنێلا چەکدارێن په‌كه‌كێ ل هنداڤی گوندێ گوهەرزێ بۆردومانكریه و پاشی ل دەمژمێر 9:00 شەڤێ هه‌لیكۆپته‌ران ب چه‌كا دۆشكێ ئێریشی هه‌مان تۆنه‌لێ كریه.
ل 23\7\2024:
دەمژمێر 12:15 هه‌لیكۆپته‌رێن ئارتێشا تركیێ ئێریشی شکەفتا بابەکرا ل گەلیێ گوندێ بازێ – ناحیا کانی ماسێ كریه.
ئارتێشا تركیێ پێتری مه‌هه‌كێ یه ئێریشه‌كه دژوار ل دژی رێخستنا په‌كه‌كێ ل باشوورێ كوردستانێ دا یه ده‌ستپێكرن، رۆژانه گوندێن سینۆرێ پارێزگه‌ها دهۆكێ ب سه‌ده‌ما لڤ و ته‌ڤگه‌رێن په‌كه‌كێ دكه‌ڤن به‌ر ئێریشان و رووبه‌رێن هه‌ری به‌رفه‌ره‌هـ یێن ئاقارێن گوندێن دهۆكێ شه‌وتینه و زراره‌كه مه‌زن چێبوویه.
