ئامەریکا سیستەما بەرەڤانیا ئاسمانی ل حەسەکێ و دێرازۆرێ بجھ دکە

ھێزێن ئامەریکایێ 4 سیستەمێن بەرەڤانیا ئاسمانی یا کورتهاڤێژ ل پارێزگەھا حەسەکێ و دێرازۆرێ بجھ کرن.

مەدیایا عەرەبی راگھاند، ھێزێن ئامەریکایێ کاروانەکێ نوو یێ ئالیکاریێن لەشکەری ژ باشوورێ کوردستانێ د رێیا دەریێ سینۆری ئەل-وەلید رە دەرباسی رۆژئاڤایێ کوردستانێ کر و ل بارەگەھێن خوەیێن ل ھەرێمێ ب جھ کرن.

دیار کر ژی، د ناڤا ڤی کاروانێ نوو دە، 40 ترومبێلێن زرخی و چار سیستەمێن بەرەڤانیا ئاسامانی یا ژ جورەیا (ئاڤەنگەر)یێن کورتهاڤێژ ھەنە و ھەلیکۆپتەرێن ئامەریکی ژی ژ ئاسمان ڤە چاڤدێریا کاروانێ دکرن.

ھات راگھاندن ژی، سیستەمێن بەرەڤانیا ئاسامانی (ئاڤەنگەر) ل بارەگەھێن ئامەریکی یێن ل خراب ئەل-جیر و شەدادێ یێن ل پارێزگەھا حەسەکێ و بارەگەھێن ل کێلگەھا پەترۆلێ ئەل-عۆمەر و کێلگەھا کۆنیکۆیێن ل دێرازۆرێ ھاتنە بجھکرن.

ل گۆری ھەمان ژێدەرێ، سیستەمێن بەرەڤانیا ئاسامانی (ئاڤەنگەر) پێشتر د نیڤا مەھا ئادارا بۆری دە ژی ژ ئالیێ دو کۆمپانیایێن ئامەریکی ڤە ل ناڤچەیێن د بن کۆنترۆلا ھەسەدێ دە ھاتنە بجھکرن.

سیستەما بەرەڤانیا ئاسمانی یا ئاڤەنگەر، ھەری زێدە دگەھە 443 ک.م، ل دژی مووشەکێن کروس، درۆن، فرۆکەیێن ب باسک و ھەلیکۆپتەرێن کو نزم دفرن تێ بکارئانین.