هات راگەهاندن سازیا ئیستخباراتا میلی یا ترکیێ (میتێ) بەرپرسێ په‌كه‌كێ/كه‌جه‌كێ یێ سلێمانیێ عومه‌ر فرات و 2 چەکدارێن دن یێن ل گەل ل باکورێ سلێمانیێ ب ئۆپەراسیۆنەکە ئاسمانی ژ کار خستنە، ئانگۆ ژیانا خوە ژ دەست دانە.
ئاژانسا فەرمی یا دەولەتا ترکیێ ئاژانسا ئانادۆلو راگەهاند، بەرپرسێ په‌كه‌كێ یێ سلێمانیێ عومه‌ر فرات کو وەک ئاندۆک تۆلهلدان تێ ناسکرن و دو چەکدارێن دن یێن خەلکێ رۆژهلاتێ کوردستانێ یێن ب ناڤێ عرفان زەندی یێ کو وەک رامان رێناس و هیدایەت رەسوولی یێ وەک جەنگاڤەر میکاییل تێن ناسکرن ل سلێمانیێ ب ئۆپەراسیۆنەکە ئاسمانی یا ژ ئالیێ میتێ ڤە هات برێڤەبرن دە هاتنە کوشتن.
ژ ئالیێ دن ڤە چاپەمەنیا سەر ب په‌كه‌كێ ژی 3 رۆژ بەری ئەو نووچە پشتراست کر و راگەهاند، رۆژا 14ێ تیرمەها 2024ێ 3 چەکدارێن یەکینەیێن رۆژهلاتێ کوردستانێ (یه‌ره‌كه) د ئەنجاما ئێریشەکە ئەسمانی یا بالەفرێن ترکیێ دە ژیانا خوە ژ دەست دانە.
