ل سەر راسپاردەیا مەسروور بارزانی، خانیەک پێشکێشی دایه‌ شەمێ هات کرن

ل سەر راسپاردەیا سەرۆکێ حکوومەتا هەرێما کوردستانێ مەسروور بارزانی، خانیەک وەکی دیاری پێشکێشی دایە شەمێ یا خوەدیا 33 شەهیدێن دەستێ داعشێ هات کرن.

دایە شەمێ و مالاباتا خوە دوهـ (چارشەم، 24.07.2024) ژ کامپا چەممشکۆ دەرکەفتن و چوون ناڤ خانیێ خوە یێ نوو، کو دکەڤە ناڤەندا باژارێ دهۆکێ.

پارێزگەرێ دهۆکێ عەلی تەتەر د وی واری دە راگەهاند، دایە شەمێ و مالباتا خوە هەژی وی خانینە و گەلەک قوربانی ژ بۆ ئاخا هەرێما کوردستانێ دانە، هەروەها گۆت: «سەرۆکوەزیر مەسروور بارزانی ئەم راسپارتنە کو ل سەر خزمەتکرنا تەڤایا خووشک و برایێن ئێزدی بەردەوام بن».

چاڤكانی: كوردستان 24