وەزیرێ کارێن ناڤخوەیی یێ ترکیەیێ راگھاند، ل بەرواریا سێرتێ ل ھەمبەر پەکەکێ ئۆپەراسیۆنەکا لەشکەری ھاتیە کرن و د ئەنجاما ئۆپەراسیۆنێ دە، 4 ئەندامێن پەکەکێ ھاتنە کوشتن.
وەزیرێ کارێن ناڤخوەیی یێ ترکیەیێ عەلی یەرلیکایا ل سەر حەسابا خوەیا “X” راگھاند، ل بەژاھیا بەرواریا سێرتێ ل ھەمبەر پەکەکێ ئۆپەراسیۆنەک سەربازی ھاتیە کرن کو د ئەنجاما ئۆپەراسیۆنێ دە، 4 ئەندامێن پەکەکێ ھاتنە کوشتن کو 2 ژ وان د لیستەیا پرتەقالی دە و 2 ژی د لیستەیا گەور دە جھ دگرتن.
ناڤ و ناسناڤێن کەسێن د لیستەیا پرتەقالی دە جھ دگرتن وسا نە: سەمیرا ئایڤەردی کو ناسناڤا وێ بەندا ئامەد و سەییتحان سەنجەر کو ناسناڤێ وێ باران خەملینە. کەسێن د لیستەیا گەور دە ژی، یەعقووب نیشۆ ناسناڤێ وی سار ئیبراھیم و پێشەنگ دوورمووش ناسناڤێ وێ دەستینا بۆتانن.
د داخویانیا وەزیرێ کارێن ناڤخوەیی دە بال تێ کێشان کو کەسێن ھاتنە کوشتن د چالاکیێن کوشتنا 6 ئەندامێن ھێزێن ئەولەکاری و 5 سڤیلان دە و بریندارکرنا 6 ھێزێن ئەولەکاریێ و 11 سڤیلان دە جھ گرتنە.
