ل کەرکووکێ بارەگەھا سێیەما پەدەکێ راستی ئێریشەکا چەکداری ھات

بارەگەھێ لقێ سێیەمێ پارتیا دەمۆکراتا کوردستانێ (پەدەکێ) ل کەرکووکێ ئیرۆ راستی ئێریشەکە چەکداری ھات.

بەرپرسێ لقێ سێیەمێ پەدەکێ محەمەد کەمال راگھاند، ئیرۆ بەربانگێ دەمژمێر 03:00، ژ چەند ئالیان ڤە گولـلە ل بارەگەھا مە ھاتن رەشاندن و پاسەوانێن بارەگەھێ ژی بەرسڤا وان دا.

محەمەد کەمال گۆت ژی: “ئارمانجا ئێریشکەران ئەو بوو، خالەکا پاسەوانێن بارەگەھێ بگرن، بێنە ناڤا بارەگەھێ و کریارێن تەرۆریستی پێک بینن.”

بەرپرسێ لقێ سێیەمێ پەدەکێ دیار کر ژی: “زیانێن جانی ژ بەر ئێریشێ چێنەبوونە، لێ ئەڤە پێشھاتەکا خرابە و دڤێت لێکۆلینەکا بەرفرەھ ل سەر وەرە کرن.”