ئارتێشا تركیێ ب ئێریشێن ئاسمانی، 15 چه‌كدارێن په‌كه‌كێ و یه‌په‌گێ ل باشوور و رۆژئاڤا كوردستانێ كرن ئارمانج و كوشتن.
وه‌زاره‌تا پاراستنا نه‌ته‌وی یا تركیێ راگهاند د 24 ساعه‌تێن ده‌رباسبوویی ده، 11 ژێ ل باشوور و 4 ل رۆژئاڤا كوردستانێ، ب تەڤاهی 15 چه‌كدارێن په‌كه‌كێ و یه‌په‌گێ هاتن كوشتن.
د داخویانیا وەزارەتا پاراستنا نەتەوەیی ده كو ل سه‌ر حه‌سابا خوه یا X پارڤه‌كریه، هات دیارکرن کو “ل هەرێمێن قەندیل، ئاسۆس، گاره، خاکورکێ یێن ل باشوورێ كوردستانێ 11 چه‌كدارێن په‌كه‌كێ هاتنه كوشتن”.
هه‌ر وها ل هەرێما مەرتالێ فەراتێ یا ل باکورێ سووریەیێ 4 چه‌كدارێن یه‌په‌گێ كه‌تن به‌ر ئێریشا بالافرێن شه‌ر.
