وەزارەتا بەرەڤانیێ یا ترکیەیێ د داخویانیەکێ دە راگهاند، فرۆکەیێن وان یێن شەر د چەند ئێرشێن ئاسمانی دە، 25 جهـ و ڤەشارتگەهێن په‌كه‌كێ وێران کرنە.
دیار کر ژی، وان د ئێریشان دە هەرێمێن چیایی یێن گارا، قەندیل و ئاسۆسێ یێن ل پارێزگەهێن دهۆک، هەولێر و سلێمانی بۆمبەباران کرنە و شکەفت، ڤەشارتگەهـ، ئەمبار و جهـ و وارێن دەرماندارێن په‌كه‌كێ کرنە ئارمانج.
وەزارەتا بەرەڤانیێ یا ترکیەیێ گۆت ژی: «ئێریش ب بالداری هاتن کرن و هەموو تەدبیر هاتن گرتن ژ بۆ پاراستنا ژیانا سڤیلان، دەڤەرێن نشتەجهبوونێ، بەرمایێن دیرۆکی و چاندی».
ژ ئالیێ خوە ڤە، رێخستنا ئاشتیێ یا جیهانی راگهاند، ژ بەر شەرێ د ناڤبەرا چه‌كدارێن په‌كه‌كێ و ئارتێشا ترکیێ دە، د کێمتری مەهەکێ دە 182 مالبات ژ گوندێن نێزیکی ناڤچەیێن شەر ل پارێزگەها دهۆکێ کۆچبەر بوونە و 602 گوند ژی د بن مەترسیا ڤالاکرنێ دە نە.
وێ رێخستنا ئامەریکی گۆت ژی، ئارتێشا ترکیێ ژ 15ێ هەزیرانێ هەتا 11ێ تیرمەهێ، 285 ئێرش پێک ئانینە کو پرانیا وان ل پارێزگەها دهۆکێ بوونە.
