ناسنامه‌یا دو كه‌چێن كورد ئیرۆ پاش ده‌رباسبوونا 7 سالان ل سه‌ر مرنا وان ئاشكه‌ره بوو، پارتیا كاركه‌ران ئه‌و وه‌كه ب سه‌دان كه‌چێن دن یێن كوردان ل ئاڤاشینێ دابوونه كوشتن.
ئیرۆ رۆژا شه‌می 27 تیرمه‌ها 2024ێ ناسنامه‌یا دو چه‌كدارێن ژن یێن په‌كه‌كێ ئاشكه‌ره بوو كو ل 27 تیرمه‌ها سالا 2017ێ ل ده‌ڤه‌را ئاڤاشینێ یا باشوورێ كوردستانێ كه‌تبوون به‌ر ئێریشێن ده‌وله‌تا ترك و ژیانا خوه ژ ده‌ست دابوو.
په‌كه‌كێ وه‌كه ته‌ڤ كه‌چ و خۆرتێن كوردان، مرنا ڤان دو كه‌چان ژی بۆ ده‌ما 7 سالان ڤه‌شارتی هشتبوو و ئیرۆ هاتیه د مه‌دیایا خوه ده وێنه‌یێن وان پارڤه‌كرنه و دبێژه ئه‌م وان ل بیر تینن.
ناڤێن وان وسایه:
ئۆزله‌م ره‌شید ژ جۆله‌مێرگێ.
ساریا سالح ژ مێردینێ.
پارتیا كاركه‌ران د په‌سنێ وان ده دبێژه: ملیتانێن فه‌دایی، ژنێن ئازاد یێن ته‌ڤگه‌رێ فه‌دایێ ئاپۆ بوون.
پارتیا كاركه‌ران هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پار ڤه‌دكه، جوانێن كو د به‌رخوه‌دانا خوه یا ساخته ده فه‌دا دكه و پشتره تێ د مه‌دیایا خوه ده پرۆبوگاندایێ ب وان دكه، ل گۆری ئاگاهیێن ده‌ستێ مه، هێژان ب سه‌دان جوان مانه رێخستنێ مرنا وان ڤه‌شارتی هشتیه.
