ئەندامێ سەرکردایەتیا پەدەکە-سێ یێ بەرێ محەمەد سالح خەلیل کۆچا داویێ کر

ندامێ بەرێ یێ سەرکردایەتیا پارتیا دەمۆکراتا کوردستانێ – سووریە (پەدەک-سێ) محەمەد سالح خەلیل ل نەخوەشخانەیا ئالمانیایێ کۆچا داویێ کر.

ئەندامێ بەرێ یێ سەرکردایەتیا پەدەکە-سێ محەمەد سالح خەلیل، دوھی 27 تیرمەھێ د 71 سالیا خوە دە، ل نەخوەشخانەیا ئالمانیایێ کۆچا داویێ کر.

رێخستنا عەفرینێ یا پەدەکە-سێ پەیامەکە سەرساخیێ بەلاڤ کر و تێ دە راگھاند، “ب خەمەک مەزن ڤە مە نووچەیا کۆچا داوییا رێھەڤال و ئەندامێ بەرێ یێ سەرکردایەتیا پەدەکە-سێ محەمەد سالح خەلیل بھیست.

دیار کر ژی، رێھەڤال محەمەد سالح خەلیل بۆ ھەیاما سێ دەھسالان ھەتا سالا 2014، د ناڤا پارتیێ دە د کۆمیتەیا ناڤەندی و سەرکردایەتیێ دە بوو و ب سالێن درێژ ل عەفرین و حەلەبێ د خزمەتا پارتی و گەلێ خوە دە بوو.

محەمەد سالح خەلیل سالا 1953 ل گوندێ نازا یێ عەفرینێ ژدایک بوو و ژ جوانیا خوە ڤە تەڤلی کارێ سیاسی و پارتیتی بوو.