سەرۆکێ هەرێما کوردستانێ ب مەرەما تەڤلیبوونا د مەراسیمێن سۆندخوارنا سەرۆکێ هلبژارتییێ کۆمارا ئیسلامی یا ئیرانێ دە سەردانا تەهرانێ دکە.
سەرۆکاتیا هەرێما کوردستانێ پارڤە کریە، «سەرۆکێ هەرێما کوردستانێ نێچیرڤان بارزانی سبە (سێشەم، 30.07.2024) ب ڤەخواندنەکە فەرمی دگەهە تەهرانا پایتەختا کۆمارا ئیسلامی یا ئیرانێ».
ل دوو وێ راگەهاندنێ، نێچیرڤان بارزانی ب سەرکردە و بەرپرسێن بلندێن وەلاتێن دن یێن ڤەخواندی رە تەڤلی مەراسیمێن سۆندخوارن و دەستپێکرنا کاری یا سەرۆکێ هلبژارتییێ کۆمارا ئیسلامی یا ئیرانێ مەسعوود پزیشکیان دبە.
پشتی دەربازبوونا دو گەرێن هلبژارتنێن پێشوەختێن سەرۆکاتیا کۆمارا ئیرانێ، ل رۆژا ئینیێ، 05.07.2024، مەسعوود پزیشکیان یێ یەکانە کاندیدێ رەفۆرمخوازان ب دەنگێن پرانیێ کاری ل بەرانبەری کاندیدێ نەریتخوازان، سەعید جەلیلی، د گەرا 14ێ یا سەرۆکاتیا کۆمارا ئیرانێ دە ب سەر بکەڤە و ببە سەرۆکێ نەهێ یێ کۆمارا ئیسلامی یا ئیرانێ».
بریارە سبە (یەکشەم، 30.07.2024) سەرۆککۆمارێ ئیرانێ یێ نوو مەسعوود پزیشکیان کاندیدێن پۆستێن وەزاری یێن کابینەیا خوە ببە پەرلەمانێ، ژ بۆ کو پشتی پەژراندنا وێ کابینەیێ وەزیر سۆندا قانوونی بخوەن و حکوومەتا نوو دەست ب کارێ خوە بکە.
