رێخستنا په‌كه‌كێ ناسنامەیا دو گەریلایێن خوه ئاشكه‌ره كرن كو چار مه‌هان به‌رێ ل خاکورکێ كه‌تبوون به‌ر ئێریشان و جانێ خوە ژ دەست دا بوون و ژ نوو ئیرۆ مرنا وان ئیفشا بوویه.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا دوشه‌می 29 تیرمه‌ها 2024ێ ناسنامه‌یا دو چه‌كدارێن خوه یێن ب ناڤێ یه‌حیا سه‌عید ژ شرنه‌خێ و ئه‌حمه‌د عه‌دنان ژ منبجێ ئاشكه‌ره كرن كو ل 30 نیسانا رابووری ل هه‌رێما خاكوركێ ب ئێریشا ئاسمانی یا ده‌وله‌تا ترك جانێ خوه ژ ده‌ست دا بوون.
هه‌په‌گێ وه‌كه ته‌ڤ جوانێن كو به‌رێ وان دایه مرنێ، پشتی چار مه‌هان ژ نوو ڤه مرنا یه‌حیا سه‌عید و ئه‌حمه‌د عه‌دنان راگهاند و گۆ كو ملیتانێن مه یێن ئاپۆیی جانێ خوه فه‌دایێ ئاپۆ كرن!.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
