تۆرا چاڤدێریا مافێن مرۆڤان یا سووری د 30 تیرمەھا 2024 دە ناڤێن 3 زارۆکێن دن یێن کو ژ ئالیێ تەڤگەرا ب ناڤێ “جوانێن شۆرەشگەر” کو راستەراست فەرمانا ژ پەکەکێ وەردگرن بەلاڤ کر کو ب ئارمانجا لەشکەرکرنا نەچار ژ ھەردو باژارێن منبج و رەقایێ ھاتنە رەناڤدن.
ل گۆری تۆرا چاڤدیرا سووریێ، محەمەد عەبدولاھ ئەحمەد یێ 15 سالی، ژ کۆلانا 23 شباتێ ل پارێزگەھا رەقایێ ھاتیە رەڤاندن، عەزیز ئالا سۆیر یێ 14 سالی، ل باژارێ رەقایێ ھاتیە رەڤاندن و ئەحمەد فیراس جاسم یێ 13 سالی ل سەر رێیا حەلەب و منبجێ ھاتیە رەڤاندن و تا نھا چارەنڤیسا وان نەدیارە.
تەڤی کو ھەسەدێ د خزیرانا 2019 دە لگەل نەتەوێن یەکگرتی پلانەک ژ بۆ بداویکرن و قەدەغەکرنا تەڤلیکرنا زارۆکان د ناڤا چەکداران دە ئیمزە کربوو. لێ ژ دەما کو پەیمان ھاتیە ئیمزەکرن ڤە، رەوشا رەڤاندنا زارۆکان بداوی نەبوویە.
مالباتێن زارۆکێن رەڤاندی ژی کریارێن تەڤگەرا جوانێن شۆرەشگەر شەرمەزار دکن و بانگ ل رێخستنێن کو گرینگیێ ددن مافێن زارۆکان، رێخستنێن ناڤدەولەتی و ئالیێن پێوەندیدار دکن کو فشارێ ل رێڤەبەریا خوەسەر و ھەسەدێ بکن تا کو چارەنڤیسا زارۆکێن وان دیار بکن.
