هه‌ولێن پارتیا كاركه‌ران یێن ڤالاکرنا گوندێن دهۆكێ ده‌وام دكن
ده‌هـ گوند و هه‌رێمێن دیار یێن پارێزگه‌ها دهۆكێ ژ 23 تیرمه‌ها رابووری ڤه ب سه‌ده‌ما ته‌ڤگه‌را چه‌كدارێن په‌كه‌كێ كه‌تنه به‌ر ئێریشێن ئاسمانی و به‌ژاهی، ته‌ڤی دلگرانییا شێنیان، ئێریشا شه‌واتێن مه‌زن چێكرن و زراره‌كه پڕ مه‌زنتر ب ئاقارێ گوندان كه‌تیه.
چاڤكانیێن داركا مازی ئاشكه‌ره كر كو ژ 23 هه‌یا 29 تیرمه‌ها 2024ێ ئانگو د 6 رۆژان ده، ب سه‌ده‌ما ته‌ڤگه‌رێن بگومان یێن په‌كه‌كێ، ئارتێشا تركیێ ب ئێریشێن ئاسمانی 10 گوند و هه‌رێمێ دهۆكێ بۆردۆمان كرنه، زراره‌ك مه‌زن چێبوویه.
ئه‌ڤ ده‌ر كه‌تنه به‌ر ئێریشان:
گرێ سۆر كو دكه‌ڤه هنداڤی ده‌ریێ سەرزێڕی.
پرا بلبلێ ل دەڤەرا بەرواری بالا.
تۆنه‌لا چەکدارێن په‌كه‌كێ ل هنداڤی گوندێ گوهەرزێ.
چیایێ هنداڤی گوندێ سپیندارێ.
پشتا گەلیێ دێرەشێ و گرگاشێ.
سەرێ چیایێ مەتینا.
پشتا ئاقارێ گوندێ بەرچێ.
د ناڤبەرا گوندێن بازێ و بێشیلێ.
دەڤەرا شارا ل رۆژئاڤایێ دەریێ بێرا ل هنداڤی گوندێ بەرچێ.
ئێریش ووسا بوون:
ل 23\7\2024:
دەمژمێر 2:05 نیڤرۆ تۆپخانه‌یا ئارتێشا تركیێ ل سەربازگەها گرێ سۆر كو دكه‌ڤه هنداڤی ده‌ریێ سەرزێڕی یێ سینۆری یێك گوللـه تۆپ ل نێزی پرا بلبلێ ل دەڤەرا بەرواری بالا دایە و و شه‌وات ب ده‌ڤه‌رێ كه‌ت.
دەمژمێر 2:25 نیڤرۆ تۆپخانه‌یا ئارتێشا تركیێ تۆنه‌لا چەکدارێن په‌كه‌كێ ل هنداڤی گوندێ گوهەرز ل ناحیا دێرەلۆکێ ل دەڤەرا نهێلیا بۆردومانکریە.
دەمژمێر 3:49 نیڤرۆ بالافرێن ئارتێشا تركیێ هەمان تۆنه‌ل بۆردومانکریە.
دەمژمێر 5:20 ئێڤاری بالافرێن ئارتێشا تركیێ دو مووشه‌ك ل چیایێ هنداڤی گوندێ سپیندارێ ل دەڤەرا بەرێ گارە خستنه.
ل 24\7\2024:
دەمژمێر 11:09 تا 11:45 شەڤێ بالافرێن ئارتێشا تركیێ پشتا گەلیێ دێرەشێ و گرگاشێ ل دەڤەرا بەرێ گارە بوردومانکریە.
دەمژمێر 9:40 شەڤێ بالافرێن ئارتێشا تركیێ یێن ژ جۆری هەلیکۆپتەر تۆنه‌لا په‌كه‌كێ ل هنداڤی گوهه‌رزێ بۆردومانکریە.
دەمژمێر 11:04 شەڤێ بالافرێن ئارتێشا تركیێ هەمان تۆنه‌ل جارەکه دن بۆردومانکریە.
دەمژمێر 7:10 مەغرەب بالافرێن ئارتێشا تركیێ سەرێ چیایێ مەتینا ل هنداڤی دەڤەرا شارا پشتا ئاقارێ گوندێ بەرچێ ل دەڤەرا نهێلیا بۆردومانکریە.
ل 27\7\2024:
دەمژمێر 9:45 شەڤێ بالافرێن هەلیکوپتەر یێن تركیێ ب مووشه‌ك و چه‌كا دۆشكه ل تۆنه‌لا ل هنداڤی گوهەرزێ خستیه.
ل 28\7\2024:
دەمژمیر 4:25 ئێڤاری بالافرێن ئارتێشا تركیێ یێك مووشەک د ناڤبەرا گوندێن بازێ و بێشیلێ ل دەڤەرا بەرواری بالا دانه.
دەمژمیر 7:03 مەغرەب بالافرێن ئارتێشا تركیێ ئاقارێ گوندێ سپیندارێ و پشتا گوندێ گرگاش ل دەڤەرا بەرێ گارەی بۆردومانکرنە.
دەمژمێر 7:11 مەغرەب بالافرێن ئارتێشا تركیێ رۆژهەلاتێ تۆنه‌لا هنداڤی گوهەرزێ بۆردومانکریە، پشتره دەمژمێر 9:10 شەڤێ بالافرێن هەلیکۆپتەر ب چه‌كا دۆشکێ ئێریشی هه‌مان تۆنه‌ل كریه.
دەمژمیر 7:13 مەغرەب بالافرێن ئارتێشا تركیێ دەڤەرا شارا ل رۆژئاڤایێ دەریێ بێرا ل هنداڤی گوندێ بەرچێ – دەڤەرا نهێلیا بۆردومانکریە.
ژ مه‌ها گولانا ئیسال 2024ێ ڤه و پاش دژواربوونا ئێریشێن ده‌وله‌تا ترك، رێخستنا په‌كه‌كێ ب ئه‌نقه‌ست چه‌كدارێن خوه دشینه دۆربه‌را گوندێن پارێزگه‌ها دهۆكێ، ئه‌ڤ گوند ژی ده‌وام دكه‌ڤن به‌ر ئێریشان و ڤێ نیگه‌رانیه‌ك مه‌زن ل جه‌م شێنیێن گوندان چێكریه و په‌كه‌كه ڤێ یه‌كێ ب زانه‌بوون دكه و دخوازه ئه‌و گوند و هه‌رێمێن دهۆكێ ژ شێنییان وه‌رن ڤالا كرن.
