درۆنەکێ خالەک ل باژارێ قامشلۆ ئارمانج کر

درۆنەکا ترکیەیێ خالەک ل نێزیکی کارگەھا پەترۆلێ یا ل گوندێ کەرباوی، ل باشوورێ رۆژئاڤایێ قامشلۆ، ئارمانج کر.

رەوانەگەها سووری یا مافێن مرۆڤان بەلاڤ کر، درۆنەکا ترکیەیێ ب دو ئێریشێن ئاسمانی، خالەکا لەشکەری یا ھێزێن سووریەیا دەمۆکراتیک (ھەسەدێ) کو بەری نھا ھاتبوو ڤالاکرن، ل نێزیکی کارگەھا پەترۆلێ ل گوندێ کەرباوی ل باشوورێ رۆژئاڤایێ قامشلۆ، ئارمانج کر.

ئاماژە ب وێ ژی کر، خالا ھاتیا ئارمانجکرن 8 کیلۆمەتران دووری فرۆکخانەیا قامشلۆیە و ھەتا نھا دەربارێ زیانێن مرۆڤی دە ت ئاگاھی نەھاتنە بدەستخستن.

ژ ئالیێ خوە ڤە، مەدیایا سەر ب رێڤەبەریا خوەسەر ڤە بەلاڤ کر، درۆنەکا ترکیەیێ دەردۆرا کارگەھا گۆلدەن رۆزا زەیتێ ئارمانج کریە.

ل گۆری زانیاریان، ژ دەستپێکا 2024 ڤە ئارتێشا ترکیەیێ 87 جاران ناڤچەیێن جودایێن رۆژئاڤایێ کوردستانێ و رێڤەبەریا خوەسەر ئارمانج کرنە و د ئەنجامێ دە 28 کەس ھاتنە کوشتن و نێزیکی 40 کەسان ژی بریندار بوونە، د ناڤا وان دە 16 سڤیل ھەنە.