ئارتێشا تركیێ ب ئێریشێن ئاسمانی، د 24 ساعه‌تێن ده‌رباسبوویی ده 8 چه‌كدارێن په‌كه‌كێ و یه‌په‌گێ ل باشوور و رۆژئاڤا كوردستانێ كرن ئارمانج و كوشتن.
وه‌زاره‌تا پاراستنا نه‌ته‌وی یا تركیێ راگهاند د 24 ساعه‌تێن ده‌رباسبوویی ده، 4 ژێ ل باشوور و 4 ل رۆژئاڤا كوردستانێ، ب تەڤاهی 8 چه‌كدارێن په‌كه‌كێ و یه‌په‌گێ هاتن كوشتن.
د داخویانیا وەزارەتا پاراستنا نەتەوەیی ده كو ل سه‌ر حه‌سابا خوه یا X پارڤه‌كریه، هات دیارکرن کو ل هەرێما خاكوركێ یا ل باشوورێ كوردستانێ 4 چه‌كدارێن په‌كه‌كێ هاتنه كوشتن.
هه‌ر وها ل هەرێما مەرتالێ فەراتێ یا ل باکورێ سووریەیێ 4 چه‌كدارێن یه‌په‌گێ كه‌تن به‌ر ئێریشا بالافرێن شه‌ر.
ئارتێشا تركیێ ژ مه‌ها خزیرانێ ڤه، قووناغه‌كه نوو ژ ئۆپه‌راسیۆنا په‌نجه ل دژی په‌كه‌كێ ل باشوورێ كوردستانێ ده‌ستپێكریه، رۆژانه گوندێن پارێزگه‌ها دهۆكێ د ڤێ ئۆپه‌راسیۆنێ ده تێن بۆردومان كرن، رووبه‌رێن هه‌ری به‌رفه‌ره‌هـ یێن ئاقارێن گوندان شه‌وتینه و زراره‌كه مه‌زن چێبوویه.
