دەزگەها دادوەری یا کۆمیسیۆنا هلبژارتنان یا ئیراقێ، لیسانسا 3 پارتیێن سیاسی ژ بەر پێوەندییا وان یا ب رێخستنا قه‌ده‌غه‌كری یا په‌كه‌كێ ره بەتال کرن.
زێدەتری 3 مەهانە کو حکوومەتا ئیراقێ په‌كه‌كه وەکە رێخستنەکە قەدەغە ئیلان کریە و هەموو دەستوورێن هەڤدیتنا ئەندام و رێخستنێن وێ راوەستاندیە.
ده‌زگه‌ها دادوه‌ریێ یا کۆمیسیۆنا هلبژارتنان یا ئیراقێ، ل سه‌ر سكالایا ئه‌نجومه‌نا ئه‌وله‌هیێ یا ئیراقێ جڤیا و بریار گرت كو لیسانسا 3 پارتیێن سیاسی، ئه‌و ژی «پارتیا ئازادی و دەمۆکراتی یا ئێزدی، به‌ره‌یا تێكۆشینا ده‌مۆكراتیك و پارتیا تەڤگەرا ئازادی یا جڤاکا کوردستانێ ئانكو تەڤگەرا ئازادی» بەتال کرن.
كۆمسیۆنا هلبژارتنان د ڤێ ده‌ربارێ دا داخویانی دا و گۆت: «مە بریارا بەتالکرنا لیسانسا ڤان 3 پارتیان دا، ژ بەر پەیوەندییا وان ب په‌كه‌كێ رە کو ل ئیراقێ رێخستنەکە قەدەغەکرییە. دکارە ئیتیراز ل سه‌ر بریاری بێ كرن، لێ پشتی کو ئیتیراز بێ ئەنجامدان، دێ ناڤەندا ڤان هەر سێ پارتیان بێ گرتن و ده‌ست ب سه‌ر مال و مولكێ وان ده بێ گرتن».
