دارکا مازی ناڤێن 18 چەکدارێن دن یێن پەکەکێ ئەشکەرە دکە کو هەیا نها کوشتنا وان نەهاتیە راگهاندن
هەژمارەکە هەری زێدەیا جوانێن کورد د ناڤا پەکەکێ دە جانێ خوە ژ دەست دانە، هن ژ وان د شەرێ ل دژی لەشکەرێ ترکیێ دە و هن ژی د تەسفیاتێن ناڤخوە یێن پەکەکێ ب خوە دە هاتنە کوشتن و هەیا نها کوشتنا ڤان جوانان نەهاتیە راگهاندن.
دارکا مازی ژ چاڤکانیێن خوە یێن تایبەت ل باشوورێ کوردستانێ ناڤێن 18 فەرماندار و گەریلایان ب دەست خستنە کو د دەما دو سالێن رابۆری دە ژیانا خوە ژ دەست دانە، لێ بەلێ پەکەکێ تەنێ مرنا هنەک ژ وان راگهاندیە و کوشتنا پرانیا یێن مایی ڤەشارتی هشتیە.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
ب ئاوایەک گشتی پەکەکە ب رێیا ڤان گەریلایێن کو ژیانا خوە وەندا کرنە مالباتێن وان ب خوە ڤە گرێ ددە و د چاپەمەنیا خوە دە بازارەک سیاسی ب خوینا وان دکە، پڕ جاران هن سال ب سەر ژیان ژ دەست دانا گەریلایان دەرباس دبە ژ نوو ڤە پەکەکە تێ و ناڤێ وان رادگهینە، لێ ئەڤ جارە دارکا مازی ناڤێ هن گەریلایێن پەکەکێ یێن کو د ناڤبەرا سالێن 2022-2024 دە جانێ خوە ژ دەست دانە لگەل جیهـ و دەمێ جان ژ دەست دانا وان ئەشکەرە دکە.
ناڤێن چەکدارێن پەکەکێ و بەرپرساتیا وان د ڤێ رێخستنێ دە و هەرێمێن لێ هاتینە کوشتن ب ڤی ئاوا نە:
رۆزا ئەحمەد، خەباتکارا چاپەمەنیێ بوو و هەر وەها شەهرەزا بوو د بکارئانینا چەکێ نیشانەشکێن دە، د مەها 12/2022 دە ل ئاقارێ گوندێ شکەفتێ یێ سەر ب دەڤەرا بەرواری بالا هاتیە کوشتن.
ئاخین عاموودێ، خەباتکارا چاپەمەنیا پەکەکێ بوو، د مەها 12/2022 دە ل ئاقارێ گوندێ شکەفتێ یێ سەر ب دەڤەرا بەرواری بالا هاتیە کوشتن.
کۆچەرین باکور، خەباتکارێ چاپەمەنیا پەکەکێ بوو، هەر وەها شەهرەزایێ بکارئانینا چەکێ نیشانەشکێن بوو، د مەها 12/2022 دە ل ئاقارێ گوندێ شکەفتێ هاتیە کوشتن.
بۆتان باکور، بەرپرسێ بێتەلا گشتی یا هێزێن تایبەت یێن پەکەکێ بوو، هەر وەها ئەندامێ هێزێن تایبەت بوو، د بهارا سالا 2023 دە ل گرێ ئامێدیێ هاتیە کوشتن.
ئاندۆق عەفرین، بەرپرسیارێ گرۆپا شەری و ئەندامێ هێزێن تایبەت یێن پەکەکێ بوو، د بهارا سالا 2023 دە ل گرێ ئامێدیێ هاتیە کوشتن.
جوان مێردین، بەرپرسێ بریارگەهێ بوو، ئەندامێ هێزێن تایبەت بوو، بسپۆر بوو د وارێ تەقەمەنیان دە، د بهارا سالا 2023 دە ل گرێ ئامێدیێ هاتیە کوشتن.
ئەدیسا عاموودێ، بسپۆر د وارێ چەکێن گران دە، د هاڤینا سالا 2023 دە ل گرێ جۆدی ل پشتا گوندێ رەشاڤە یێ سەر ب دەڤەرا نهێلیان ڤە هاتیە کوشتن.
دژوار ئامەد، بەرپرس تیم بوو، بسپۆر بوو د وارێ بکارئانینا چەکێ نیشانەشکێن دە، د هاڤینا سالا 2023 دە ل گرێ ناڤێن-چیایێ مەتینا هاتیە کوشتن.
مەسکەن نسێبین، د هاڤینا سالا 2023 دە ل چیایێ مەتینا هاتیە کوشتن.
ئازادی کۆبانی، پاسەوانا تایبەت یا بێریتان تارامە بەرپرسا ئەیالەتا مەتینا بوو، د هاڤینا سالا 2023 دە ل چیایێ مەتینا هاتیە کوشتن.
حسێن باکور، ئەندامێ هێزێن تایبەت بوو، د مەها 12/2023 دە ل گرێ ئامیدیێ هاتیە کوشتن.
وەلات تاتوان، بەرپرسێ گرۆپا شەری بوو، د مەها 12/2023 دە ل گرێ ئامێدیێ هاتیە کوشتن.
هەلمەت دێرالۆک، دمەها 12/2023 دە ل گرێ ئامێدیێ هاتیە کوشتن، پەکەکێ د رۆژا 25/12/2023 کوشتنا وی ئەشکەرە کر.
سەرخوەبوون سەرحەد، بەرپرسێ بریارگەها هێزێن تایبەت بوو، د بهارا سالا 2024 دە ل گرێ ئامیدیێ هاتیە کوشتن.
خەبات عەرەب، ئەندامێ هێزێن تایبەت بوو، د بهارا سالا 2024 دە ل گرێ ئامێدیێ هاتیە کوشتن.
ئەڤین باکور، ئەنداما هێزێن تایبەت بوو، د بهارا سالا 2024 دە ل گرێ ئامێدیێ هاتیە کوشتن.
هەولێر رۆژهەلات، ئالیکارێ بەرپرسێ گرۆپا شەری بوو، د بهارا سالا 2024 دە ل گرێ ئامێدیێ هاتیە کوشتن.
جانشێر عەفرین، بەرپرسیارێ گرۆپا شەری بوو، د بهارا سالا 2024 دە ل گرێ ئامێدیێ هاتیە کوشتن.
