ب درۆنەکێ ئێریش ل سەر بارەگەھەکێ ئامەریکی ل حەسەکێ ھاتە کرن

ب درۆنەکێ ئێریش ل بارەگەھەکا ھێزێن ھەڤپەیمانیا ناڤدەولەتی ل باژارۆکێ رمێلانێ یێ سەر ب پارێزگەھا حەسەکێ ڤە ھاتە کرن.

رەوانگەھا سووری بۆ مافێن مرۆڤان بەلاڤ کر، ئیرۆ 10 تیرمەھێ ب درۆنەکێ ئێریش ل سەر بارەگەھا خەراب ئەل-جیر یا ھەڤپەیمانیا ناڤدەولەتی ل رمێلانێ ھاتە کرن.

ئاماژە ب وێ ژی کر، درۆن د ناڤا بارەگەھێ دە کەتە خوارێ، لێ زانیاری دەربارێ کوشتی و برینداران دە نەھاتن بدەستخستن.

ژ 19 جۆتمەھا 2023 ڤە، پشتی شەرێ ئیسرایل و حەماسێ ل غەززەیێ، ب درۆن و مووشەکان ئێرش ل سەر بارەگەھێن ئامەریکی و ھەڤپەیمانیا ناڤدەولەتی ل ئیراق و سووریێ زێدە بوون.

ل گۆری ئاماران، ژ 19 جۆتمەھا 2023 ھەتا 25 تیرمەھا ئیسال، زێدەتری 170 جاران ئێریشی سەر بنگەھ و ھێزێن ئامەریکایێ ل ئیراق، سووریێ و ئوردنێ ھاتیە کرن.