پارتیا ئازادیا کوردستانێ (پاک) و تەڤگەرا دەمۆکراتیکا کوردستانێ (تەدەکە-تەڤگەر) رۆژا 12 ئیلۆنا 2023 دە، ل دیاربەکرێ د بن ناڤێ پارتیا وەلاتپارێزێن کوردستانێ (PWK) دە، یەکیتیا خوە راگھاندبوو.
پارتیا وەلاتپارێزێن کوردستانێ د داخویانیەکێ دە ژی گۆتبوو: “ئەم وەک تەدەکە-تەڤگەر و پاک، ب دلخوەشی دخوازن مزگینییێ بدن ملەتێ کورد و کوردستانیان کو مە کۆنگرەیا خوە یا یەکتییێ ل ئامەدێ ب ئاوایەکی گەش، جەماوەری و سەرکەفتی پێک ئانی و مە ب ناڤێ پارتییا وەلاتپارێزێن کوردستانێ (PWK) ئاڤا کر.”
دیار کر ژی، “پارتییا وەلاتپارێزێن کوردستانێ (PWK)، مافێ چارەنڤیسییا ملەتێ کورد و گەلێ کوردستانێ دپارێزە. مافێ چارەنڤیسییێ ل گۆری شەرت و مەرجێن کوردستانێ و تەڤگەرا رزگاریخوازی یا نەتەوەیی، ھەروەھا ل گۆری رەوشا ھەرێمێ و ناڤنەتەوەیی دکارە ب ئاوایێ دەولەتەکا فەدەرال، کۆنفەدەرال یان ژی سەربخوە بێ پێکانین.”
