ئارتێشا تركیێ ب ئێریشێن ئاسمانی، ژ دوهـ ڤه 24 چه‌كدارێن په‌كه‌كێ/یه‌په‌گێ كرنه ئارمانج، 12 ژێ ل باشوورێ كوردستانێ نه.
وه‌زاره‌تا پاراستنا نه‌ته‌وی یا تركیێ راگهاند، ئیرۆ ر رۆژا شه‌می 10/8/2024ێ ب ئێریشا ئاسمانی، 12 چه‌كدارێن په‌كه‌كێ ل هه‌رێما ئۆپه‌راسیۆنا په‌نجه كه‌تنه هاتنه هه‌ده‌ف كرن.
هه‌ر وها ل هەرێما مەرتالا فەراتێ یا ل باکورێ سووریەیێ ژی 12 چه‌كدارێن یه‌په‌گێ (باسكێ له‌شكه‌ری یێ په‌كه‌كێ) كه‌تن به‌ر ئێریشا بالافرێن شه‌ر.
ئارتێشا تركیێ ژ مه‌ها خزیرانێ ڤه، قووناغه‌كه نوو ژ ئۆپه‌راسیۆنا په‌نجه ل دژی په‌كه‌كێ ل باشوورێ كوردستانێ ده‌ستپێكریه، رۆژانه گوندێن پارێزگه‌ها دهۆكێ د ڤێ ئۆپه‌راسیۆنێ ده تێن بۆردومان كرن، رووبه‌رێن هه‌ری به‌رفه‌ره‌هـ یێن ئاقارێن گوندان شه‌وتینه و زراره‌كه مه‌زن چێبوویه.
