ناسنامه‌یا دو چه‌كدارێن دن یێن پارتیا كاركه‌ران ئاشكه‌ر بوو كو ئه‌و ژی د نیسانا ئیسالێ ده كه‌تنه به‌ر ئێریشێن ده‌وله‌تا ترك و رێخستنێ مرنا وان ڤه‌شارتبوو.
هه‌په‌گێ باسكێ له‌شكه‌ری یێ په‌كه‌كێ، ئیرۆ رۆژا شه‌می 10 ته‌باخا 2024ێ ناسنامه‌یا دو چه‌كدارێن خوه ئاشكه‌ره كر كو ل نیسانا ئیسالێ ئانگۆ 4 مه‌هان به‌رێ ل باشوورێ كوردستانێ كه‌تبوون به‌ر ئێریشا ده‌وله‌تا ترك و هاتبوون كوشتن.
هه‌په‌گێ پاش ده‌رباسبوونا 4 مه‌هان ژ نوو ئیرۆ هاتییه و مرنا وان ئیفشا كری یه.
هه‌په‌گێ ده‌ستنیشان كر، ئه‌ڤ چه‌كدار ب فه‌رهات ئیكرام و سۆلین شێخمووس تێن ناسكرن كو ژ جۆله‌مێرگێ و تل حه‌مسێ نه.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن مابن كو هێژان په‌كه‌كێ مرنا وان ئیفشا نه‌كربه.
