ھێزێن سووریەیا دەمۆکراتیک (هەسەدێ) راگھاند، 2 شەرڤانێن وان ل دێرازۆرێ د ئێریشێن ھێزێن سەر ب رێژیما سووریەیێ دە ھاتن کوشتن.
ناڤەندا راگھاندنێ یا ھەسەدێ د داخویانیەکێ دە راگھاند، د بەرسڤا ئێرشێن ھێزێن سەر ب حکوومەتا شامێ ڤە ل گوندەوارێ رۆژھلاتێ دێرازۆرێ دە، 2 شەرڤانێن وان ھاتن کوشتن.
چار رۆژن شەر و پەڤچوون د ناڤبەرا ھێزێن سەر ب رێژیما سووریەیێ ڤە و ھەسەدێ دە ل گوندەوارێ دێرازۆرێ بەردەوام دکە، ھێزێن زێدە یێن لەشکەری ل جھێن پەڤچوونان ھاتن کۆمکرن و پێلەکا مەزنا کۆچبەریێ ژ دەڤەرێن بۆمبەباران و پەڤچوونان بەر ب جھێن ئەولەتر دەست پێ کریە.
ل گۆری ئامارێن رەوانگەھا سووری بۆ مافێن مرۆڤان، د ئەنجاما شەر و پەڤچوونان دە، 16 سڤیل ھاتن کوشتن کو 7 ژ وان زارۆک بوون، ژ بلی کوشتنا 2 شەرڤانێن ھەسەدێ و 8 ئەندامێن کۆمێن خوەجھی یێن سەر ب رێژیما سووریەیێ و ئیرانێ ڤە. ھەروھا 35 سڤیل و 7 چەکدار بریندار بوونە.
