درۆنێن تركیێ 4 چه‌كدارێن په‌كه‌كێ كوشتن
ب ئێریشا ئاسمانی یا بالافرێن بێمرۆڤ، 4 چه‌كدارێن دن یێن رێخستنا په‌كه‌كێ ل باشوورێ كوردستانێ هاتن كوشتن، ئارتێشا تركیێ دیمه‌نێن ئێریشێ پارڤه‌كرن.
ل گۆری داخویانییا ئیرۆ رۆژا یه‌كشه‌می 11 ته‌باخا 2024ێ یا وه‌زاره‌تا پاراستنا نه‌ته‌وی یا تركیێ، ب ئێریشا ئاسمانی یا بالافرێن بێمرۆڤ، 4 چه‌كدارێن په‌كه‌كێ ل هه‌رێما ئۆپه‌راسیۆنا په‌نجه یا كو ل باشوورێ كوردستانێ ل دژی په‌كه‌كێ تێ مه‌شاندن، هاتن كوشتن.
وه‌زاره‌تێ ده‌ستنیشان كر، ژ بۆ کو ئه‌و رێخستنێ د جی دا تێک ببن و تونە بکن، ئه‌وێ ب ئۆپەراسیۆنێن پرۆئاکتیف و بێناڤبەر ئێریشێن خوه بدۆمینن.
ئارتێشا ترکیێ رۆژا 17ێ نیسانا 2022ان د ناڤ ئاخا باشوورێ کوردستانێ دە ل دژی په‌كه‌كێ دەست ب ئۆپەراسیۆنا ب ناڤێ «پەنجە-کلید» کر و ئۆپەراسیۆن هەتا نها بەردەوامە. ئۆپەراسیۆنا «پەنجە-کلید» ناڤچەیێن مەتینا، زاپ و ئاڤاشین-باسیان یێن ل سینۆرێ ناڤچەیا ئامێدیێ ل خوە دگرە.
