تەڤگەرا جڤاکا دەمۆکراتیک (تەڤ-دەم) کۆنگرەیا خوە یا پێنجەمین ل دار خست و ھەڤسەرۆکاتیا خوە یا نوو ھلبژارت.
تەڤ-دەمێ دوھی 11 تەباخێ ل باژارێ حەسەکێ کۆنگرەیا خوە یا پێنجەمین ب ئامادەبوونا زێدەتر ژ 500 ئەندامێن سازیێن سڤیل، تەڤگەرێن سیاسی و رێخستنێن جڤاکی لدار خست.
د کۆنگرەیێ دە، عەبدولسەلام مەحموود و رەمزیە محەمەد ژ بۆ ھەڤسەرۆکێن نوو یێن تەڤ-دەمێ ل شوونا خەریب حسۆ و رووکەن ئەحمەد ھاتن ھلبژارتن. ھەروھا 100 کەس ژی ژ بۆ جڤاتا گشتی ھاتن ھلبژارتن.
یەک ژ داخوازێن تەڤ-دەمێ د ڤێ کۆنگرەیێ دە، لدارخستنا کۆنگرەیا نشتمانی یا کوردستانی و خەباتا ژ بۆ رزگارکرنا ھەرێمێن داگیرکری و مسۆگەرکرنا ڤەگەرا ئەولەهیا کۆچبەران بوو.
تەڤ-دەم د سالا 2011 دە ھاتیە دامەزراندن و ژ پارتیا یەکیتیا دەمۆکراتیک (پەیەدێ)، پارتیا یەکیتیا سریانی، پارتیا ئاشتیا دەمۆکراتا کوردێن سووریەیێ و پارتیا یەکیتیا لیبەرالا کوردستانێ پێک تێ.
