ئارتێشا تركیێ ب سه‌ده‌ما ته‌ڤگه‌را په‌كه‌كێ، ژ 5ی ته‌باخێ ڤه ب ده‌هان بۆمبه و مووشه‌ك ل سه‌ر گوند و هه‌رێمێن دیار یێن پارێزگه‌ها دهۆكێ باراندنه، ئێریشان زراره‌ك مه‌زن ل په‌ی خوه هشتیه و شێنیێن ڤان گوندان د نیگه‌رانیه‌كه به‌رده‌وام ده رۆژێن خوه ژیان دكن.
ل گۆری بیلانچۆیا په‌ڤچوونێن په‌كه‌كێ و ئارتێشا تركیێ یێن ژ 5 ته‌باخا ئیسال 2024ێ ڤه، 10 گوند، گه‌لی و چیایێن دیار یێن سینۆرێ پارێزگه‌ها دهۆكێ د ئۆپه‌راسیۆنا په‌نجه ده هاتنه بۆردومان كرن، ده‌وله‌تا ترك ئێریش دژوار كرنه، هه‌موه‌خت په‌كه‌كێ ژی ته‌ڤگه‌را چه‌كدارێن خوه پێتر نێزی گوندان كریه.
ئێریشێن ئارتێشا ترک ب ڤی ئاوا بوونە:
5/8/2024
دەمژمێر 4:38 هەیانی 6:40 ئێڤاری تۆبخانەیێن لەشکەرێ ترکیەیێ دو جاران سەرێ دەریێ بێرا ل هنداڤی گوندێ بەلاڤە یێ سەر ب دەڤەرا نهێلێ ڤە بۆمبەباران کریە.
6/8/2024
دەمژمێر 12:20 شەڤێ، بالافرێن شەر یێن دەولەتا داگیرکەرا ترکیەیێ ب مووشەکان و چەکێ دۆشکە تەقە ل تونەلا پەکەکێ یا ل هنداڤی گوندێ گوهەرزێ یێ سەر ب دەڤەرا نهێلێ کریە.
دەمژمێر 6:38 هەیانی 8:10 شەڤێ، بالافرێن شەر یێن دەولەتا ترکیەیێ تونەلا هنداڤی گوندێ گوهەرزێ، دڤەرا شارا، دەریێ بێرا و رۆژهلاتێ تونەلا پەکەکێ یا ل هنداڤی گوندێ گوهەرزێ بۆمبەباران کرینە، هەر وەها دەمژمێر 6:40 ئێڤارێ چیایێ هنداڤی گوندێ گرگاش یێ سەر ب دەڤەرا بەرێ گارێ ڤە بۆمبەباران کریە.
دەمژمێر 6:45 ئێڤاری، بالافرێن شەر یێن ترکیەیێ گەلیێ دێرا یێ دەڤەرا بەرواری بالا بۆمبەباران کریە.
7/8/2024
دەمژمێر 9:20 هەیانی 10:00 شەڤ، دو هەلیکۆپتەرێن شەر یێن دەولەتا ترکیەیێ ب چەکێ دۆشکە تەقە ل رۆژئاڤایێ گەلیێ بازێ یێ سەر ب دەڤەرا بەرواری بالا ڤە کریە.
8/8/2024
دەمژمێر 4:56 ئێڤاری، بالافرێن شەر یێن دەولەتا ترکیەیێ تونەلا هنداڤی گوندێ گوهەرزێ یێ سەر ب دەڤەرا نهێلێ بۆمبەباران کریە.
دەمژمێر 5:09 هەیانی 5:14 ئێڤاری، بالافرێن شەر یێن دەولەتا ترکیەیێ پشتا گوندێ سپیندارێ و چیایێ بێسمتێ یێ سەر ب دەڤەرا بەرێ گارێ بۆمبەباران کریە.
9/8/2024
دەمژمێر 4:06 ئێڤاری، فرۆکەیێن لەشکەرێ ترکیەیێ تونەلا هنداڤی گوندێ گوهەرزێ بۆمبەباران کریە.
10/8/2024
دەمژمێر 12:00 هەیانی 12:30 نیڤرۆژێ، هەلیکۆپتەرێن شەر یێن دەولەتا ترکیەیێ تونەلا هنداڤی گوندێ گوهەرزێ بۆمبەباران کریە، هەر وەها دەمژمێر 4:06 ئێڤاری، بالافرێن شەر یێن دەولەتا ترکیەیێ جارەکە دن تونەلا هنداڤی گوندێ گوهەرزێ هەدەف گرتیە.
11/8/2024
دەمژمێر 6:23 هەیانی 8:50 شەڤێ، شەر د نێڤبەرا لەشکەرێ ترکیەیێ و جەکدارێن پەکەکێ چێبوویە، چەکدارێن پەکەکێ ب درۆنەکە بچووک ئێریش کریە سەر خالا لەشکەرێ ترکیەیێ یا ل سۆرێ سگێرێ، لێ لەشکەرێ ترکیەیێ درۆنا پەکەکێ پووچ کریە.
دەمژمێر 8:40 شەڤێ، بالافرێن شەر یێن دەولەتا ترکیەیێ پشتا گوندێ دێرەشێ یێ سەر ب دەڤەرا بەرێ گارێ بۆمبەباران کریە، هەر وەها دەمژمێر 9:58 شەڤێ هەلیکۆپتەرێن لەشکەرێ ترکیەیێ ب چەکێ دۆشکە تەقە ل تونەلا پەکەکێ یا ل هنداڤی گوندێ گوهەرزێ کریە.
