چه‌ته‌یێن په‌كه‌كێ یێن ب ناڤێ جوانێن شۆره‌شگه‌ر زارۆكه‌كی كورد یێ 13 سالی كو ژ عه‌فرینێ یه ره‌ڤاند و چاره‌نووسا وی نه‌دیاره، چه‌ند رۆژان به‌رێ خویشكا وی ژی ل سه‌ر ده‌ستێ ڤان چه‌ته‌یان هاتیه ره‌ڤاندن.
چالاكڤانێن كورد یێن ل رۆژئاڤا كوردستانێ ئاشكه‌ره كرن، زارۆكێ كورد یێ ب ناڤێ حه‌مید حه‌مۆ مسلم یێ 13 سالی ژ رۆژا 27 تیرمه‌ها ئیسال 2024ێ ڤه وه‌ندابوویه و چاره‌نووسا وی نه‌دیاره.
ده‌ستنیشان كرن، ئه‌ڤ زارۆك ژ عه‌فرینێ یه، لێبه‌لێ ل تاخا شێخمه‌قسوودێ یێ كوردنشین ل حه‌لبێ دمینه، مالباتا وی ت ئاگاهی ده‌ربارێ وی ده‌ستنه‌خستنه.
چالاكڤانان دیار كرنه، كو خوشكا ڤی زارۆكی یا ب ناڤێ حه‌نیفه حه‌مۆ یا 19 سالی چه‌ند رۆژان به‌رێ ژ هێلا جوانێن شۆره‌شگه‌ر ڤه هاتیه ره‌ڤاندن.
جوانێن شۆره‌شگه‌ر یێك ژ رێخستنێن چه‌ته یێن گرێدای په‌كه‌كێ یه، فه‌رمانێن خوه ژ قه‌ندیلێ دستینه و فه‌رماندارێ هه‌سه‌دێ مه‌زلووم عه‌بدی سه‌رپه‌رشتیێ ل ڤێ گرووپێ دكه، ئه‌ركا سه‌ره‌كه یا ڤێ گرووپا چه‌ته‌یان ره‌ڤاندنا زارۆكێن رۆژئاڤا كوردستانێ، ترساندن و گه‌فخوارنا ل خه‌لكێ سڤیل و ئێریش كرنا سه‌ر باره‌گه‌هێن پارتیێن كوردستانی یه.
