سەرکردەیەکی کورد ئیرۆ سێشەمێ 13/8/2024 راگهاند، چەکدارێن پەکەکێ ئاڤێتن سەر مالەکێ ل باژارێ عاموودێ یێ رۆژئاڤایێ کوردستانێ و کەچەک رەڤاند و دیا وێ ژی ئیشکەنجە کر.
د ڤێ چارچۆڤەیێ دە ئەندامێ مەکتەبا سیاسییا پارتیا یەکتیا دەمۆکراتا کورد ل رۆژئاڤایێ کوردستانێ فەیاز ئیسماعیل راگھاند کو چەکدارێن پەکەکێ ئاڤێتن سەر مالا وەلاتیەکی کورد ب ناڤێ (عەبدولباری) و پشتی رەڤاندنا کەچەکێ ژ ڤێ مالێ، ب ئاوایەکی ھۆڤانە ل خزمێن کەچکێ ب تایبەتی دیا وێ، فاتیما شێخ، خست.
هەر وەها راگهاند، تشتا کو پەکەکە ل رۆژئاڤایێ کوردستانێ دکە کارەکی نەرەوایە و ئەم بانگ ل رێخستنێن مافێن مرۆڤان دکن کو بەرسڤا کریارێن پەکەکێ بدن.
د ھەیاما سێ مەھێن بۆری دە، چەکدارێن پەکەکێ چەندین ئەندامێن ئەنەکەسێ، چالاکڤان، رۆژنامەڤان، زارۆک و کەچێن کورد ل رۆژئاڤا کوردستانێ بۆ جیهێن نەدیار رەڤاندنە، چارەنڤیسا بەشەک ژ رەڤاندیان هەیانی نها نەدیارە و هنەک دن ژی ژ بۆی کامپێن پەروەردەیا لەشکەری یێن پەکەکێ هاتنە ڤەگوهەستن.
