ئەندامێن رێخستنا چەتە یا ب ناڤێ “جوانێن شۆرەشگەر” کو راستەراست فەرمانا ژ قەندیلێ وەردگرە، زارۆکەک تەمەن بچووک کو ژ پالمیرا کۆچبەر بوویە و ل باژارێ منبجێ یا د بن کۆنترۆلا هەسەدێ دە دژی، رەڤاند.
ل گۆر ئاگاهیان، چەتەیێن پەکەکێ د 7ی تەباخا 2024 دە زارۆکێ تەمەن بچووک یێ ب ناڤێ محەمەد موهەنەد محەمەد یێ 13 سالی رەڤاندیە و ل کامپێن لەشکەرکرنا زارۆکان ل منبجێ ب جھ کریە.
تەڤی هەولدانێن مالباتا زارۆکێ رەڤاندی ژی، لێ بەلێ رایەدارێن هەسەدێ ب ت ئاوا رازی نەبوون محەمەدێ زارۆک ڤەگەرینن ناڤا مالباتا وی دە یان ژی رێ ب مالباتا وی بدن زارۆکێ خوە ببینن.
تێ زانین فەرماندارێ ھێزێن سووریا دەمۆکراتیک مەزلووم کۆبانێ د سالا 2019 دە لگەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ دە سەربەست بەردە، لێ تا نھا چ پابەندی ب وێ پەیمانێ نەھاتیە کرن، ھەر دەم چەکدارێن ب ناڤ و رەنگێن جودا د ناڤا هەسەدێ دە زارۆکان درەڤینن و تەڤلی لەشکەریا نەچاری دکن.
ل گۆری چاڤدێران ئارمانجا چەتەیێن ب ناڤێ “جوانێن شۆرەشگەر” ژ رەڤاندنا زارۆکێن تەمەن بچووک، شووشتنا مەژیێ زارۆکان ل گۆر بیردۆزیێن پارتیا کارکەرێن کوردستانێ و تەڤلیکرنا وان د ناڤا رەفێن لەشکەری یێن پارتیێ دەیە.
